O Grupo Municipal Popular aínda non dispón de acceso á plataforma coa documentación do Concello ao que teñen dereito os concelleiros: “a alcaldesa continúa poñendo escusas, pero a realidade é que esta circunstancia dificulta que realicemos o noso labor de control ao goberno”
Lourenzá, 22 de setembro de 2023. O PP de Lourenzá condena que a alcaldesa socialista “comece este mandato incumprindo” o acordado no pleno de organización da actividade municipal: a celebración dos plenos ordinarios da corporación local o terceiro xoves de cada mes impar. “A alcaldesa tería que ter convocado o pleno para este xoves 21 de setembro, pero non o fixo”.
Os concelleiros inciden en que “ao non ser convocados ao pleno ordinario que tocaría celebrar este xoves, non podemos facer o labor que nos toca -propoñer iniciativas nin pedir explicacións sobre asuntos de interese para os laurentinos e laurentinas- no tempo e forma que foi formalmente establecido”. Así, “atrásase tamén o debate de asuntos de interese para os veciños e veciñas como aqueles relacionados coas demandas que nos trasladan e que queremos reivindicar na sesión plenaria”.
Polo tanto, “atrasando a celebración do pleno, a alcaldesa entorpece o normal funcionamento dos órganos do Concello, limita a acción dos grupos da oposición e, polo tanto, entorpece a vida democrática no municipio”, consideran.
O Grupo Municipal Popular lamenta que “a alcaldesa poña escusas”. Neste caso, a rexedora alega que o Concello non dispón de secretaria municipal, pero “esas circunstancias non impiden a convocatoria e celebración dun pleno” porque “se a alcaldesa o pon en coñecemento da Deputación a entidade provincial tería que facer as xestións para que o Concello de Lourenzá dispuxera dun secretario”.
SEN ACCESO Á DOCUMENTACIÓN MUNICIPAL
Así mesmo, dende o Grupo Municipal Popular trasladan as súas queixas debido á tardanza da alcaldesa en facer os trámites precisos para dar acceso aos concelleiros do Partido Popular á plataforma que lles permite o acceso á documentación do Concello á que teñen dereito como concelleiros. “A pesar de que a actual corporación local se conformou fai practicamente tres meses, alcaldesa continúa escusándose. E, mentres, está a dificultar que realicemos o labor de control ao equipo de goberno correspondente a estes tres meses de mandato”.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
