Os populares lembraron tamén que “esta vía é estratéxica e non dispón de alternativa” porque “o Goberno central mantén paralizada a autovía A-74: con Sánchez Galicia sempre perde”
A Mariña, 29 de setembro de 2023. Os populares da Mariña unen forzas para esixir ao Ministerio de Transportes que finalice “na maior brevidade” as obras no “socavón da vergoña” na N-642, unha infraestrutura clave para esta comarca. “Non hai avances a un ritmo razoable nin o Ministerio ten concretado unha data na que podería estar restablecida a normalidade na vía” polo que consideran que “é un insulto para A Mariña e pedimos aos alcaldes do PSOE que se unan á nosa reivindicación”.
Dende o PP condenan que “o Goberno de Pedro Sánchez non lle dea a esta obra a prioridade que merece para garantir a recuperación da circulación no conxunto desta estrada “en condicións de normalidade, vialidade e seguridade” e piden “axilidade” tendo en conta que “levan oito meses en obras” obrigando aos usuarios a circular por un desvío provisional á altura do acceso a Burela dende Foz que está a ocasionar moitas incomodidades e prexuízos, en especial a veciños e transportistas.
A reparación da fochanca e a posterior reposición da estrada presentouse desde o Ministerio como unha “actuación de emerxencia”, pero a realidade é que durante o verán e nas últimas semanas as obras están practicamente paradas ou cun ritmo extremadamente lento.
VISITA “SOBRE O TERREO” DE CARGOS POPULARES
Para visualizar a súa protesta os populares da Mariña visitaron a zona afectada -á altura da praia da Areoura- cunha ampla delegación encabezada pola presidenta provincial e deputada, Elena Candia, e o coordinador do PP lucense e voceiro de Infraestruturas do Grupo Popular no Parlamento galego, José Manuel Balseiro; ademais de alcaldes e portavoces que avanzaron unha ofensiva nas distintas institucións, incluída a presentación de iniciativas en todos os concellos da comarca.
De feito, este mesmo mércores debaterase na Comisión de Infraestruturas do Parlamento de Galicia unha proposición non de lei para que o Goberno de España acometa os traballos pendentes no treito afectado polo socavón. Unha iniciativa similar xa foi obxecto de debate o pasado xoves no pleno do Concello de Burela, a instancias do Grupo Municipal Popular resultando aprobada por unanimidade, cos votos a favor de tódolos grupos da corporación local.
UNHA VÍA SEN ALTERNATIVA
Os populares aseguran que o socavón non só “sacou a relucir os deficientes labores de mantemento e conservación que está a facer o Ministerio nas estradas estatais”, senón que tamén evidenciou “as carencias en materia de infraestruturas desta comarca”. Nese senso lembran que a N-642 é a principal vía da Mariña e carece dun itinerario alternativo “como quedou demostrado cando se produciu este socavón e se intentou desviar o tráfico”. Nese sentido, precisaron que “se lle debe ao Goberno de Pedro Sánchez a paralización da autovía A-74 entre A Espiñeira (Foz) e Castelo (Cervo)”, un proxecto que só existe no papel e que desde Moncloa teñen esquecido desde o punto de vista administrativo e orzamentario.
“Esta situación non é allea ao que está a ocorrer no resto de Galicia e da provincia coas as infraestruturas que dependen do Estado: con Pedro Sánchez, Galicia perde sempre”, conclúen.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
