A Xunta de Goberno aprobou este venres unha colaboración económica co municipio da Mariña para rehabilitar o antigo teleclub da parroquia de Vilaformán e favorecer así o acceso a Internet e dotar doutras ferramentas dixitais á veciñanza
Lugo, 6 de outubro de 2023. A Xunta de Goberno da Deputación de Lugo aprobou este venres unha colaboración económica da institución provincial co Concello de Trabada por máis de 48.000€ para a construción dun centro de novas tecnoloxías na parroquia de Vilaformán. Así o informou o Deputado de Promoción Económica e Social, Pablo Rivera Capón, quen detallou que o importe achegado pola Deputación supón máis do 90% do custe total da actuación.
“Trátase dunha iniciativa de carácter innovador impulsada pola Alcaldesa e tamén Deputada provincial, Mayra García, que vai favorecer o acceso e o uso das novas tecnoloxías no rural, e con elo dinamizar a vida social e económica do municipio”, explicou Rivera Capón. O Deputado sinalou que o novo servizo, que se situará no antigo teleclub, prestará atención de xeito directo a medio cento de veciños e veciñas da parroquia, pero tamén á veciñanza de todo o concello.
O proxecto servirá para poñer a punto 131 m2 deste edificio, separado en dous espazos: nun deles instalaranse mesas con ordenadores e noutro, a maiores, un proxector cunha pantalla. Un espazo no que se poderán desenvolver outro tipo de actividades, como cursos relacionados con actividades do rural, clases de primeiros auxilios, ximnasia ou cursos informativos.
Segundo explicou o Deputado, os traballos consistirán, por unha parte, na retirada da rede eléctrica e os equipos de iluminación existentes, na demolición de tabiques, pavimentos e revestimentos interiores e na retirada da carpintería de madeira existente. E por outra, na adecuación e actualización do espazo e a construción dun aseo adaptado. O prazo de execución das obras será de dous meses, desde que comecen.
Roza de 7 parcelas provinciais
Outro dos asuntos aprobados na Xunta de Goberno foi a adxudicación do contrato para a prestación do servizo de roza e mantemento de 7 parcelas forestais propiedade da Deputación por un importe de 24.000€ e por un período dun ano, prorrogable por outros dous. Son en concreto espazos verdes situados no concello de Lugo, nas inmediacións da Protectora, o Apiario e na parroquia de Santa Eulalia, que suman un total de 8,9 hectáreas.
O contrato inclúe ademais unha bolsa de hectáreas adicionais, que suporán o 30% desa superficie, ata chegar ás 11,57 hectáreas.
Portomarín perde unha subvención por falta de xustificación
Na sesión celebrada este venres acordouse tamén a perda do dereito de cobro do total da axuda de 3.000€ que a Deputación lle tiña concedida ó Concello de Portomarín para a celebración da Festa da Augardente 2022, porque incumpriu a obriga de xustificar a devandita aportación nos termos establecidos no Plan Único, e porque logo presentou as alegacións fóra de prazo.
Programa de Dotación e Mellora de Servizos Comunitarios
A Xunta de Goberno deu luz verde ao último trámite administrativo para o pago dunha subvención a unha asociación da Pastoriza que resultou beneficiaria do Programa para a Dotación e Mellora de Servizos Comunitarios, que impulsa a Deputación de Lugo. Trátase da Agrupación A Espiñeira, que recibirá 6.000€ para a reparación da traída de auga da Fonte do Millo.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
