A subdelegada animou a non deixar pasar a oportunidade que representan os fondos do Plan de Recuperación e afirmou que o Goberno de Pedro Sánchez “é o mellor aliado das empresas galegas”
Lugo, 11 de outubro de 2023. A subdelegada do Goberno en Lugo, Isabel Rodríguez, puxo en valor os preto de 100 millóns de euros que está a investir o Goberno en Galicia a través do Plan de Recuperación para favorecer a transformación dixital das súas empresas dos que xa se teñen beneficiado máis de 25.000 firmas na comunidade, 4.000 delas na provincia de Lugo.
A subdelegada aproveitou a súa participación no acto de presentación do programa ‘Generación Digital Pymes’ na Confederación de Empresarios de Lugo (CEL) para destacar que o Goberno de Pedro Sánchez “é o mellor aliado das empresas galegas”. Proba diso son iniciativas como esta, que executan en Galicia a universidade privada CESUGA e a escola de finanzas EF Business School, ás que o Goberno inxecta 3,4 millóns de euros para formar en competencias dixitais a 1.300 directivos galegos ata 2025.
A Confederación de Empresarios de Lugo, en virtude dun convenio asinado coa Fundación Venancio Salcines, que está detrás das dúas institucións que imparten a formación, será a encargada de promocionar este programa do Goberno. Nesta liña, Isabel Rodríguez animou ás empresas lucenses a que non deixen pasar esta oportunidade única, e tamén a aquelas persoas que se queiran formar para ser protagonistas da transformación dixital que está a promover o Goberno cos fondos do Plan de Recuperación.
“Este Goberno segue a axudar ás empresas e aos empresarios, o que tamén contribúe á transformación da nosa economía e do noso modelo produtivo, un exemplo máis do moito que se pode facer coa colaboración público-privada”, apuntou a subdelegada.
Isabel Rodríguez salientou que o Goberno de Pedro Sánchez “está a facer do Plan de Recuperación unha ferramenta inmellorable para o crecemento empresarial”. Outros exemplos diso son os 75 millóns de euros que mobiliza no plan de Apoio ao Emprendemento Industrial, que facilita a creación de novas iniciativas industriais e o crecemento e mellora da competitividade das empresas; o Kit Dixital, que xa mobilizou 12,5 millóns a través de máis de 3.300 bonos na provincia de Lugo, ou as oficinas do programa Acelera Pyme.
A este respecto, a subdelegada lembrou que hai unhas semanas inaugurouse en Lugo un destes centros de asesoramento ás pemes e autónomos sobre ferramentas e solucións TIC. “Todas estas partidas exemplifican o noso compromiso e evidencian, unha vez máis, que este Goberno está do lado das empresas, dos empresarios e das empresarias, e vai con eles da man, poñendo enriba da mesa os investimentos que fagan falta para mellorar a súa competitividade”, concluíu.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
