Nun partido moi competido o conxunto mariñano comeza perdendo 2-0 pero remonta o encontro antes do descanso
Burela, 18 de outubro, 2023. Este mércores disputouse no Pavillón Municipal de Lugo a 3ª eliminatoria da Copa do Rei, ADC Lugo Sala – Pescados Rubén Burela FS. Un encontro moi emocionante que comezou cun Burela FS algo descolocado, pero que se recompuxo especialmente na segunda parte.
Na primeira metade comeza metendo o primeiro tanto Antonio Diz no minuto 6 tras un pase longo dun compañeiro e tras regatear a Charly e Kaluza. O Pescados Rubén domina o balón e crea numerosas oportunidades pero non logra finalizar con éxito, ocasións especialmente de Malaguti que entre os dous goles do rival tira a portería 4 ou 5 veces sen lograr o tanto. No minuto 9 Iago Rodríguez mete o segundo cun golazo desde a banda que rebota o balón no primeiro pau entrandando polo segundo. A pesar da situación, canto menos, frustrante, o Burela ponse en pé e comeza a responder. No minuto 13 Álex García abre o marcador para o seu equipo cun tamén golazo de remate tras un centro de Isma. Dous minutos despois o Lugo Salga decide atacar con xogo de 5 con Héctor Lana de porteiro-xogador pero no minuto 18 Alberto empata o encontro cun lanzamento desde a banda. Chega o descanso.
No segundo tempo o conxunto de David Rial vénse arriba e xa no minuto 1 Isma adianta o marcador tras conducir o balón desde media pista e un incrible caneo métea entre os paus cun potente disparo afastado. Pouco despois, no 23 Malaguti rompe a mala racha de tiron non certeiro e tras un pase longo de Kaluza consegue o 2-4. No minuto 32 Ismael consegue marcar máis as diferenzas no marcador cun remate tras un pase de Isma ao segundo pau e no 34, de novo Álex García métea ao segundo pau tras un boísimo pase de Alberto. Tras un dobre penalti do LugoSala que detén o muro polaco, Michal Kaluza que como sempre fixo un partido moi destacado, chega a sexta falta do equipo local e Charly marca o 2-7 final no dobre penalti, esta vez, a favor.
O sorteo para a próxima rolda será mañá xoves 19 ás 16.30h. De momento o equipo prepárase para o partido deste sábado, xornada 5, en Vista Alegre ás 18.45h ante o CD Leganés FS.
Ficha Técnica ADC Lugo Sala 2-7 Pescados Rubén Burela FS
ADC Lugo Sala (2): Yerai; Iago Rodríguez, Saúl, Brunito, Miguel -quinteto inicial-, Borja, Antonio Diz, Álex Diz, Héctor Lana, Yago Terrreiro e Cerviño (PS)
Pescados Rubén Burela FS (7): Kaluza; Lucho, Quelle, Isma, Malaguti, -quinteto inicial-, Nico Rosental, Alberto, Álex García, Charly, Ismael, Iago López e Mika (PS).
Goles: 1-0, min 5: Antonio Diz. , 2-0, min. 8: Iago Rodríguez 2-1, min. 12: Alex García. 2-2, min. 17: Alberto. 2-3, min. 21: Isma. 2-4, min. 22: Malaguti. 2-5, min. 31: Ismael. 2-6, min. 33: Álex García. 2-7, min.39: Charly (dobre penalti).
Árbitros: Adrián Calleja Rubio, Gael García Schmid, Jorge Otero Mira, Patricia Doval Rodríguez
TA: Quelle, Ismael, Malaguti, Porto, Iago Rodríguez.
Foz será o protagonista do programa Voces de Lugo, de RadioVoz, que se emitirá en directo de 12 a 14 horas desde a cafetería Marexada para toda a provincia. Félix Jorquera charlará co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fará un balance do verán, analizará os proxectos para os vindeiros meses e tamén o momento polo que atravesa o deporte local.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
