A Mariña, 15 de novembro de 2023. A Mariña en Ruta seguirá a vindeira fin de semana por Viveiro e por Ourol.
A Mariña en Ruta é un proxecto que está promovido pola Mancomunidade de Concellos coa colaboración da Xunta de Galicia e da Deputación de Lugo. De outubro a novembro foron programadas 16 actividades, unha por cada concello que conforma o xeodestino e onde a artesanía da comarca ten un papel destacado.
A presidenta da Mancomunidade, Rocío López, explica que “a vindeira fin de semana temos previstas dúas actividades. O 18 de novembro será o obradoiro de cerámica en Viveiro con Otero Regal. Os asistentes terán a posibilidade de coñecer de preto como Regal fai unha peza de cerámica para despois intentalo eles mesmos. E o 19 de novembro terá lugar un paseo polo patrimonio indiano de Ourol, que será guiado por Noela Feal”.
López lembrou que “estamos no outono e ás veces o tempo complícase. Agardamos poder facer todas as rutas previstas. En novembro temos programadas actividades en Ribadeo, Mondoñedo e Burela e xa a mediados de decembro en Lourenzá. Tamén estamos a punto de pechar a ruta polo Valadouro. Os últimos temporais e os lumes de outubro fixeron que tivésemos que reprogramar o calendario inicial”.
A presidenta da Mancomunidade anima “a achegarse á Mariña no outono, para coñecer o territorio de xeito tranquilo, da man de guías e anfitrións locais e deixándonos sorprender pola combinación de cores desta estación”.
As actividades de A Mariña en Ruta teñen unha duración de 2 a 4 horas e poden participar un máximo de 25 persoas mais o guía en cada un. O prezo xeral é de 5 euros para individual; 8 euros para parella; e 12 euros para familias ou grupos de ata 5 membros. A información sobre a rutas e as reservas de prazas realizarase de forma automática a través da web de Turismo de A Mariña Lucense https://amarinalucense.gal/es/a-marina-en-ruta
A pasada fin de semana os días 11 e 12 de novembro tiveron lugar as rutas por Trabada para coñecer a Fraga da Becerreira e por Xove a través dos cantís esculpidos polo mar entre Morás e Portocelo. As persoas que se achegaron ata Trabada puideron coñecer o bosque húmido atlántico. Neste lugar poden observarse carballos cubertos de distintas variedades de musgos e liques que nesta tempada, coa caída da folla, conforman un espazo cun colorido único e un encanto especial complementado por acivros, erbedos, arandeiras ou o fento de botón, entre outras moitas especies vexetais de gran valor ecolóxico.
E os participantes na ruta de Xove tiveron a oportunidade de pasear polo parque etnográfico de Morás, tratando aspectos relativos á historia recente vencellados á factoría baleeira activa no lugar entre o 1965 e 1975, á sucesión das actividades industriais coa implantación de Alumina-Aluminio, á construcción dos Dolos e ás peculiares formacións xeolóxicas dos Cantís de Papel.
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
A primeira sesión, de 11:00 a 12:30 h, contará cun autor asturiano destacado polo seu traballo arredor do mundo rural e da cultura campesiña. A actividade é aberta, participativa e gratuíta ata completar aforo.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
