Alfonso Villares puxo en valor a estreita colaboración entre o Goberno galego e o sector en ámbitos como a defensa da Lei do Litoral ou nas políticas pesqueiras comunitarias
Viveiro, 25 de novembro de 2023 O conselleiro do Mar, Alfonso Villares, destacou a estreita colaboración entre a Xunta de Galicia e o sector pesqueiro galego no traballo de avanzar cara a sustentabilidade así como na defensa desta actividade, estratéxica na economía da comunidade, ante os novos desafíos mantendo sempre un equilibrio entre os aspectos económicos, sociais e medioambientais. O responsable autonómico fixo estas manifestación no acto de clausura das XXVII Xornadas Técnicas de Difusión do Sector Pesqueiro promovidas pola Organización de Produtores Pesqueiros de Celeiro (OPP-77) na que tamén participou o director xeral de Pesca, Acuicultura e Innovación Tecnolóxica, Antonio Basanta como poñente no relatorio baixo o título “O rumbo da Europa pesqueira e a súa demora a Galicia”.
O conselleiro sinalou que unha proba deste compromiso é a Lei do Litoral, suspendida polo recurso do Goberno central ante o Tribunal Constitucional, que conta co absoluto respaldo do sector xa que viña a dar seguridade xurídica ás empresas e a recoñecer o uso pesqueiro, marisqueiro e acuícola como estratéxico para o desenvolvemento sostible do litoral. O titular de Mar cualificou de despropósito a actuación do Executivo estatal xa que prexudica a unha industria que factura 9.000 millóns ao ano e xera 40.000 empregos, cun papel clave no desenvolvemento das zonas costeiras.
Alfonso Villares subliñou a necesidade de reconducir a Política Pesqueira Común (PPC) para que sexa máis xusta e na que tamén se recollan outros aspectos como os sociais ademais dos medioambientais. Nese sentido, amosouse crítico co camiño tomado pola Comisión Europea poñendo como exemplo o veto á pesca de fondo, recorrido pola OPP-7 de Burela na que o goberno galego participa como coadxuvante. Tamén reclamou que todas e cada unha das rexións deben ser escoitadas, entendidas e tidas en conta coas súas específicas singularidades na PPC e puxo en valor a presenza da Xunta de Galicia na última Conferencia de Rexións Periféricas Marítimas celebrada en Saint Maló este mes así como a sinatura da Declaración de Cardiff na que se reclama a configuración da Macrorexión Atlántica, fixando as súas prioridades e modelo de gobernanza.
O titular de Mar fixo unha valoración positiva no relativo a que se avance en TACS e cotas plurianuais, aspecto que leva defendendo desde fai tempo o executivo galego, en liña co manifestado polo Consello Galego de Pesca xa que permite dotar de maior estabilidade ao sector, facilitar unha maior planificación ás empresas así como a realización de análises máis amplos do estado de cada recurso. Aínda así, apostou por outros modelos de xestión naquelas pesquerías que amosaron maior estabilidade nos últimos tempos.
O conselleiro sinalou o traballo desenvolvido pola Consellería do Mar na promoción da comercialización dos produtos pesqueiros en ámbitos como os mercados de proximidade ata nas principais feiras sectoriais co obxectivo de difundir os valores nutritivos e culinarios destes alimentos. Galicia superou no 2022 a barreira dos 2.700 millóns en exportacións, cun crecemento do 12% respecto ao 2021 convertendo a nosa comunidade na 10 exportadora mundial de produtos da pesca.
Confraría centenaria
Estas xornadas consolídanse un ano máis como foro de información, divulgación e debate no que se dan cita profesionais e expertos para abordar os principais asuntos de interese así como os desafíos futuros do sector pesqueiro. Nesta edición, ademais, os organizadores quixeron render un merecido e especial recoñecemento pola súa traxectoria á confraría de pescadores “Santiago Apóstolo” de Celeiro con motivo da celebración do centenario da súa constitución pola súa contribución en favor da actividade pesqueira.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
