Os populares condenan que “socialistas e nacionalistas estean de acordo co agravio a Galicia por parte do Goberno de Pedro Sánchez”
Lugo, 30 de novembro de 2023. O portavoz do Grupo Provincial Popular, Antonio Ameijide, asegura que “non se pode entender como PSOE e BNG poden estar permanentemente en contra dos galegos e, concretamente, en contra da Mariña”. Así o manifesta trala celebración do pleno da Deputación de Lugo no que o PSOE se negou a reclamarlle ao Goberno de Pedro Sánchez impulsar a A-74 e no que tanto socialistas como nacionalistas votaron en contra de mellorar o servizo da liña ferroviaria de ancho métrico.
Ameijide cre que “o transporte por ferrocarril pode servir como elemento vertebrador da Mariña, permitir unha mobilidade cómoda para os veciños e tamén constituír un motor turístico na zona; pero PSOE e BNG negáronse a apoiar a proposta do Partido Popular”. Socialistas e nacionalistas no goberno da Deputación votan en contra de medidas para A Mariña como reclamar ao Goberno do Estado a mellora do servizo da liña de ancho métrico -incluíndo a modernización do material rodante e o incremento de frecuencias- e as mesmas medidas compensatorias que anunciou para Asturias e Cantabria para minimizar os prexuízos derivados do atraso na renovación dos trens.
O portavoz popular condena que “PSOE e BNG rexeiten pedir para os galegos o mesmo trato que para cántabros, asturianos e vascos: a gratuidade de FEVE” e que, polo tanto, “PSOE e BNG estean de acordo con este agravio a Galicia”. Así mesmo, afea que “queiran seguir os pasos do negociador dos pactos de investidura de Pedro Sánchez e candidato do PSOE á Xunta que lle da todo a Cataluña e pon débedas aos galegos”.
Ameijide lembra que “o BNG non só vota en contra; senón que vén de firmar un novo pacto co PSOE nos mesmos termos que fai catro anos onde xa recollían a mellora desta liña. Pedro Sánchez non cumpriu demostrando que o BNG é un cero á esquerda, pero aínda así vólveno apoiar como presidente do Goberno”.
O popular incide en que “a provincia de Lugo non ten alta velocidade, nin autovías nin mantemento das vías do Estado” e para que “PSOE e BNG están de acordo en que Galicia sexa unha autonomía de segunda”.
A-74
O Grupo Provincial Popular reivindica o impulso da autovía da Mariña, a A-74, pero “o PSOE negouse na Deputación a esixir un compromiso real con esta infraestrutura paralizada polo Goberno de Pedro Sánchez” ao rexeitar unha proposta do PP. Os populares lembran que “esta autovía é unha parte fundamental para dotar á comarca dunha vía de altas prestacións” porque “son 33,5 km imprescindibles para conectar coa A-8”.
Na parte autonómica, “está construído o corredor ao seu paso polo termo municipal de Xove. Falta a variante de Viveiro -e a conexión co Vicedo- porque o Concello de Viveiro rexeitou ata 8 propostas de trazado”, inciden. Ao respecto, aseguran que “é preciso poñerse de acordo sobre o trazado para despois estudar a súa viabilidade”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
