Subliña que os Orzamentos da Xunta de 2024 recollen 8 M€ para avanzar na VAC da Costa Norte de acordo coa estratexia acordada cos alcaldes
Santiago de Compostela, 22 de novembro de 2023. A conselleira de Infraestruturas e Mobilidade, Ethel Vázquez, contrapuxo esta tarde o traballo e os Orzamentos da Xunta para avanzar na VAC da Costa Norte coa falta de vontade política do Goberno de España para impulsar a autovía da Mariña e completar a súa funcionalidade.
A titular de Infraestruturas e Mobilidade respondeu esta tarde a unha pregunta no Pleno do Parlamento, onde subliñou que esta vía de alta capacidade é unha infraestrutura fundamental para a vertebración e a conectividade da Mariña, Ortegal e Ferrolterra.
Puxo en valor o compromiso da Xunta ao investir 100 M€ e poñer en servizo a variante de Ortigueira e o treito Celeiro-San Cibrao da VAC Costa Norte nos peores anos da crise económica.
Lembrou que para seguir adiante cos demais treitos, se consensuou un plan de actuación cos alcaldes dos municipios afectados. Así, para a provincia da Coruña optouse por actualizar o proxecto do treito AG-64, San Sadurniño-Sanguiñeira, e pola incorporación do enlace coa mesma, que suporá un investimento superior aos 40 M€.
Sinalou que para a provincia de Lugo, acordouse traballar na continuidade do treito en servizo Celeiro-San Cibrao, cun investimento de 57,5 M€.
Porén, lembrou que, tanto o Concello de Viveiro, como a Deputación Provincial, paralizaron durante os últimos anos a VAC Costa Norte na parte correspondente á provincia de Lugo ao rexeitar, primeiro, a inclusión do enlace de Magazos e, despois, a proposta da Xunta de construír unha nova ponte sobre a ría, co que se evitaría o rodeo da variante.
Tal e como sinalou a titular de Infraestruturas e Mobilidade, paralelamente ao impulso da VAC, a Xunta está a traballar na mellora das estradas convencionais desas comarcas, con actuacións e investimentos xa materializados, como o acondicionamento da AC-100, en Mañón; na AC-566, en Valdoviño; ou na AC-110 nas Somozas.
Recordou que o Goberno galego está a mobilizar 15 M€ para mellorar a estrada paralela á vía de altas prestación, a AC-862, de San Sadurniño a Ortigueira, cunha 1ª fase das obras xa rematada e unha 2ª fase, entre O Campo do Hospital e A Ponte Mera, en execución por importe de 6,8 M€.
Avanzou, ademais, o acondicionamento da LU-540 entre Viveiro e Cabreiros, coñecida como a estrada da Gañidoira, que suporá un investimento global de 14 M€, e que mellorará a conexión da Mariña lucense coa cidade de Lugo.
Fixo fincapé en que os Orzamentos da Xunta para 2024 recollen unha partida de 8 M€ para avanzar na VAC da Costa Norte e nas comunicacións das comarcas de Ferrol, Ortegal e A Mariña de acordo coa estratexia acordada cos alcaldes.
Fronte ao traballo e á vontade da Xunta de avanzar na mellora das comunicación das comarcas da zona norte, Ethel Vázquez lamentou que os Orzamentos Xerais do Estado de 2023 recollan só 0,5 M€ para a Autovía da Mariña que debe executar o Goberno central e ningún compromiso nos vindeiros anos. E pese a ser unha partida ínfima, lembrou, o Executivo central non fixo nada nin sequera para investila.
Vázquez Mourelle incidiu en que a funcionalidade dos treitos da VAC da Costa Norte xa executados pola Xunta está condicionada polo bloqueo no que o PSOE mantén á Variante de Viveiro e pola falta de avances do Goberno de España na Autovía da Mariña.
Remarcou que para que a VAC sexa unha alternativa para o tráfico de longo percorrido cómpre a súa conexión coa autovía da Mariña, a A-74, da que non existe nin un quilómetro executado tras 5 anos do Goberno de Pedro Sánchez.
Ethel Vázquez puxo a autovía da Mariña como exemplo dun incumprimento máis do Goberno de España en materia de infraestruturas en Galicia. Sumou outros agravios como o mantemento, 10 meses despois tras producirse, do burato na N-642; a autovía entre Lugo e Santiago, que segue sen estar completa; ou entre Lugo e Ourense, que nin empezou, ademais de continuar coa A-6, unha das arterias principais de conexión de Galicia coa Meseta, pechada por mor dos viadutos do Castro.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
