O conselleiro do Mar participa na nova edición do foro gastronómico na vila mariñá
Cervo, 24 de novembro de 2023. O conselleiro do Mar, Alfonso Villares, acompañado polo director xeral de Pesca, Acuicultura e Innovación Tecnolóxica, Antonio Basanta, participou no IV foro GALICIA SABE AMAR que se celebrou en Cervo, no conxunto histórico-artístico de Sargadelos. Alí manifestou a importancia de poñer en valor os produtos do mar e a súa promoción, alimentos que, como destacaba o lema do encontro, teñen na sostibilidade, xunto coa calidade, a súa gran razón de ser.
Ademais de enxalzar as propiedades gastronómicas e nutricionais dos alimentos pesqueiros e da acuicultura, o titular de Mar volveu a reclamar ao Goberno estatal a rebaixa do IVE, de xeito similar ao aplicado a outros este mesmo ano e que se veñen de prorrogar para o comezo do próximo exercicio. Unha demanda na que a Xunta acompaña ao sector e que leva solicitándose dende hai case dous anos sen éxito, o que supón un agravio comparativo e unha desvantaxe competitiva para a actividade pesqueira e a comercialización dos seus produtos.
Alfonso Villares sinalou tamén a outros informes como os elaborados pola Comisión Nacional dos Mercados e a Competencia ou o do Observatorio Europeo do Mercado dos Produtos da Pesca e da Acuicultura (Eumofa) certifican o negativo impacto da fiscalidade na cesta da compra para os alimentos do mar.
Para medir, fundamentar e cuantificar o impacto, a Consellería do Mar quixo contar con algúns dos maiores expertos da economía ligada a pesca das Universidades de Santiago e A Coruña. Puxéronse en marcha dous estudos que tratan de medir o golpe que supón ao consumo esta errónea e inexplicable decisión do Executivo que preside Pedro Sánchez. O primeiro destes informes é un análise sobre os cambios na dieta trala pandemia, no que se presta especial atención aos produtos pesqueiros.
O segundo dos traballos académicos, elaborado polo Grupo de Investigación en Economía Pesqueira e Recursos Naturais da USC, aborda os efectos económicos e distributivos da redución do IVE no sector pesqueiro, unha detallada análise que aborda os últimos dous exercicios de tensións inflacionistas e que busca poñer, negro sobre branco, os efectos positivos que tanto para actividade da cadea mar-industria como para os propios consumidores tería na comunidade galega a rebaixa deste imposto, tanto en contribución á riqueza en termos de valor engadido bruto como no posible impulso na xeración de novos postos de traballo.
Desde a Xunta de Galicia preténdese contar co aval destes estudos e os datos que ofrezan para certificar, unha vez máis, que non ten sentido ningún deixar fóra da rebaixa do IVE a uns alimentos que deben ser básicos na dieta. A previsión é que os dous informes se presenten ao público nos próximos días.
Sustentabilidade e gastronomía
O IV Foro GALICIA SABE AMAR, organizado en torno á sostibilidade, foi inaugurado por Antonio Basanta e nel participaron tanto profesionais do sector pesqueiro como Sergio Lopez, xerente da Organización de Produtores de Burela (OPP7) ou Manolo Blanco, de Pescados Rubén, que compartiron a mesa redonda ‘#AcociñaDoMar como motor do desenvolvemento sostible’ con Higinio Díaz, profesor de Cociña en FP no IES Foz, e Mar Orosa, chef e propietaria do restaurante El Oviedo de Ribadeo.
Na segunda das mesas, sobre ‘A #sostibilidade como ingrediente #naCociñadoMar’, coincidiron Mariela Gimena, xerente de Augas Santas Brew; Nieves Medina, de Currimar Conservas Artesanais; Marcos Salgueiro, de Frigomar Burela; e Alvaro Villasante, chef e propietario do restaurante Paprica de Lugo. O acto conducido pola comunicadora María Cheda pechouse co showcooking e degustación LUGO SABE AMAR no que mostraron as súas propostas culinarias os cociñeiros Mar Orosa e Álvaro Villasante; Héctor López, do restaurante España; Bruno Pena; Martín Mantilla, do restaurante Berso de Sober; e Diego López, do restaurante Bulló Xantar de Lugo.
Trátase do penúltimo dos foros previstos dentro da campaña desenvolvida pola Consellería do Mar para animar á cidadanía a consumir peixe e mariscos, impulsar a súa venda e poñer en valor o labor dos mariñeiros e pescadores. A edición de peche terá lugar en Santiago de Compostela antes de final de ano.
GALICIA SABE AMAR é una campaña que se suma a outras máis específicas como ‘Fai click ao teu bocata’, ‘Ti si que es un bo peixe’ ou ‘Vai de peixe’ para promocionar o consumo de produtos do mar en todas as idades e por todas as vías, redes sociais incluídas. Tamén hai que engadir a labor a través da marca de calidade ‘pescadeRías, de onde se non?’ e campañas para publicitar produtos de tempada como o bonito do norte.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
