Néstor Rego e Rubén Arroxo anuncian os logros conseguidos para Lugo coa sinatura do acordo de investidura e erixen o BNG como a “única forza que defende os intereses da Galiza”
Madrid, 8 de novembro de 2023. Acompañados por cargos institucionais e orgánicos do BNG na comarca de Lugo, o deputado do BNG no Congreso, Néstor Rego, e o tenente de alcalde de Lugo, Rubén Arroxo, trasladan as principais medidas recollidas no acordo de investidura conseguido pola organización nacionalista. Un acordo, avanzan, que garante a igualdade da Galiza e impulsa a Axenda Galega. Destacan medidas recollidas en materia de infraestruturas, ferroviarias e viarias, en políticas sociais -como o aumento das pensións mínimas e a creación do xulgado específico de violencia machista- que melloran a vida dos e das lucenses: “co BNG, Galiza e Lugo gañan”.
Alén das medidas recollidas no acordo “que mellorarán a vida do conxunto dos e das galegas” como a igualdade a respecto da condonación da débeda, garantir o mesmo status político que Euskadi e Catalunya ou mesmo o avance no reforzo do autogoberno, existen puntos específicos para a cidade de Lugo e a súa comarca. Neste sentido, o BNG pon en valor os logros conseguidos e sinala que este acordo “demostra a importancia de ter unha forza política como o BNG, a única forza coas mans libres que verdadeiramente defende os intereses da Galiza”.
O BNG tamén se preocupou neste acordo de investidura de garantir que a Galiza tivese un trato igualitario no que ten a ver coa débeda e por iso, unha das medidas mais relevantes, é que ao noso País se lle compensará a débeda -mesmo que non sexa co Fondo de Liquidez Autonómica- de maneira análoga ao que se faga con outras comunidades. “Por iso sorprende que o PP e Rueda sigan dicindo que a condonación da débeda prexudica ao noso País, cando a realidade é que Galiza vai saír moi beneficiada, mais eles prefiren seguir coa campaña partidista deseñada desde Madrid que defender os intereses do noso País” afirma Rego.
Impulso das infraestruturas co obxectivo de conectar Lugo
“En materia de infraestruturas viarias, aseguramos a finalización dos tramos pendentes de execución da autovía Santiago-Lugo da A-54 antes do fechamento de 2024, así como o compromiso de axilizar a execución dos traballos no viaduto colapsado da A-6, que finalizará este ano no tramo sentido Madrid e antes de finalizar o ano 2024 o tramo sentido A Coruña” adianta o deputado do BNG no Congreso. Rego explica tamén que, entre os puntos acordados, recóllense actuacións nos tramos de máis alta sinistralidade na N-6 e na N-640.
Se na anterior lexislatura a organización nacionalista conseguiu a modernización e electrificación da liña entre Lugo e Ourense, neste acordo logrou comezar a traballar na modernización da liña A Coruña-Lugo entre Betanzos e Lugo. Do mesmo xeito, Rego pon en valor o impulso para a conexión ferroviaria entre Lugo e Santiago desbloqueando o estudo da variante entre Curtis e Ordes.
Políticas sociais avanzadas para Lugo
“Un deputado e unha senadora do BNG conseguiron máis para o noso País que os 22 deputados e 18 senadores do PP escollidos na Galiza” apunta o tenente de alcalde da cidade. Entre as cuestións arrincadas, asevera Arroxo, é a creación dun xulgado específico de violencia de xénero en Lugo. “O BNG fai o traballo que a Xunta de Galiza do Partido Popular é incapaz de facer que debería ter xestionado e conseguido este Xulgado hai moito tempo este xulgado e non o fixo” reivindica Rubén Arroxo.
Así mesmo, “o goberno asumirá 50% do financiamento das actuacións da Lei de dependencia e comprométese a ampliar o permiso de maternidade e paternidade a 20 semanas”. Por último, Arroxo sinala a importancia da suba das pensións mínimas: “Lugo ten, xunto con Ourense, das pensións máis baixas do Estado. Esta suba axudará a superar a fenda de xénero e a fenda territorial” asevera.
Encontro coas traballadoras da limpeza
Alén do máis, o deputado do BNG e o portavoz nacionalista no Concello de Lugo mantiveron unha xuntanza co sector da limpeza en folga para escoitar as súas demandas. “É de xustiza que se asine un novo convenio da limpeza e que o salario sexa superior ao Salario Mínimo Interprofesional xa que no convenio está por baixo” reclaman.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
