Os burelistas adiantáronse cunha grande acción individual de Malaguti e cun golazo de falta de Ismael. Os culés apretaron, pero só pudieron reducir distancias a un minuto e medio da conclusión
Burela, 4 de novembro, 2023. O conxunto masculino do Pescados Rubén Burela encadeou o seu terceiro triunfo consecutivo tras derrotar nun partido moi disputado ao Barça Atlètic (2-1). Os discípulos de David Rial tiveron que volver poñerse o mono de traballo para superar a un aguerrido filial culé e con esta vitoria escalan na clasificación ata a sétima posición, superando ao seu rival desta tarde e a O Parrulo, e igualando co Levante.
O choque entre mariñáns e cataláns foi moi igualado e contou con moitas ocasións, pero as grandísimas actuacións do meta local Michal Kaluza e do visitante Pau Torres provocaron que o marcador fose tan curto. Un Malaguti moi activo foi o primeiro en probar ao porteiro blaugrana e o que máis incomodou durante a primeira metade ao equipo catalán. Enfronte, o colombiano Harrison foi o maior perigo do equipo preparado por Sergi Altisent
O electrónico non se moveu ata a segunda parte cando os locais se adiantaron nunha acción individual de Malaguti. O benaventano foise pola á esquerda con calidade e, con moi pouco ángulo, batía a Pau López cun lanzamento por baixo das súas pernas para marcar o seu cuarto tanto da tempada.
O gol espoleou aínda máis aos futbolistas do filial culé, que asediaron durante varios minutos o marco dun Kaluza que, do mesmo xeito que sete días antes en Ceuta, foi un auténtico muro. O internacional polaco detivo todas as acometidas dos blaugranas e nun lanzamento de Muinelo tamén contou coa axuda da cruceta. O conxunto burelista quitouse a presión cunha boa ocasión outra vez de Malaguti, que nunha acción de contragolpe lograba deixar atrás ao seu marcador e ao meta, pero coa porta xa baleira era Pol Cano o que chegaba para tapar o segundo tanto do zamorano.
O 2-0 chegaría finalmente a través dunha falta directa botada por Ismael, que se está convertendo no especialista do equipo burelense, xa que practicamente repetiu o gol logrado na primeira xornada diante do Full Enerxía Colo Colo Zaragoza, aínda que nesta ocasión desde unha posición máis escorada. Pau López chegou a tocar o esférico, pero o mesmo aloxouse na escuadra da meta culé.
Con case seis minutos e medio por disputarse aínda, Sergi Altisent apostou por Aniol como porteiro-xogador e o Pescados Rubén Burela tivo que sufrir, pero acabou sumando os tres puntos. Só Pol Cano, a pouco máis dun minuto do final, foi capaz de anotar nun pequeno desaxuste defensivo dos de David Rial, que lograron defenderse ben no minuto final para celebrar o terceiro triunfo da presente tempada diante da Familia Laranxa.
Ficha Técnica Pescados Rubén Burela FS 2-1 Barça Atlètic
Pescados Rubén Burela FS (2): Kaluza; Isma, Quelle, Alberto, Malaguti -quinteto inicial-, Ismael, Álex García, Charly, Lucho e Nico Rosental.
Barça Atlètic (1): Pau López; Tapias, Harrison, Aniol, Pol Cano -quinteto inicial-, Kokoro, Salas, Muinelo e Quim Gassó.
Goles: 1-0, min. 25: Malaguti. 2-0, min. 34: Ismael. 2-1, min. 39: Pol Cano.
Árbitros: Rubén Miguel e Jesús Montero (Castilla y León). Amonestaron aos locais Charly e Lucho, e ao visitante Kokoro.
Inicidencias: Encontro da 7ª xornada do campeonato de Segunda División disputado no pavillón de Vista Alegre diante duns 900 espectadores.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
