Lara Fernández Fernández-Noriega, como parte da executiva do Fondo Galego de Cooperación e Solidariedade, mantivo reunións con colectivos e autoridades saharauis para traballar en prol “das liberdades e dereitos fundamentais que todos e todas deberíamos ter”
Viveiro, 11 de decembro de 2023. A concelleira de Benestar Social de Viveiro, Lara Fernández Fernández-Noriega, participou nunha visita aos campamentos saharauis en Tindouf, Alxeria, xunto a outros representantes do Fondo Galego de Cooperación e Solidariedade.
Fernández Fernández-Noriega, que fai parte da executiva da entidade, mantivo diversas reunións con colectivos e autoridades saharauis, co obxectivo de “seguir traballando en prol das liberdades e os dereitos fundamentais que teríamos que ter todos e todas”.
Estas reunións desembocarán na realización de “eventos culturais solidarios e conxuntos promovendo a súa cultura, comezando cun festival de cinema saharaui co que recadar fondos para a escola audiovisual da wilaya de Bojador”, sinala a concelleira. “A mocidade saharaui valora moito a importancia de estudar a pesar das condicións hostís nas que viven”, destaca.
“Na miña visita atopei un pobo loitador, valente, cunha determinación asombrosa, organizado, moi hospitalario e, sobre todo, cunha dignidade superlativa”, sinala Fernández Fernández-Noriega. “Traio de volta moito traballo para facer, sobre todo para visibilizar a loita saharauiu, unha loita que é de xustiza”, engade.
Nos campos saharauis en Tindouf, a viveirense atopou “unha sociedade absolutamente matriarcal, unha matria con todas as letras”. “Agardo voltar axiña, porque un pedaciño do meu corazón xa ficou no Sahara”, conclúe a concelleira.
A misión política na que participou foi organizada polo Fondo Galego de Cooperación e Solidariedade canda a Delegación da República Árabe Saharauí Democrática en Galicia e España e a ONGD Solidariedade Galega co Pobo Saharauí.
A visita incluíu reunións coa gobernadora da provincia de Bojador, Dih Chadad, co primeiro ministro, Bucharaya Beyun, e con representantes da Asociación de Familiares de Prisioneiros Saharauís e Persoas Desaparecidas, das Xuventudes Saharauis ou da Unión de Mulleres Saharauís entre outros.
“Visibilizar e non silenciar esta loita é como mínimo o que podemos e debemos facer”, remata Fernández-Fernández-Noriega.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
