A voceira popular comparte as queixas dos veciños e veciñas afectadas polas obras na praza do Viveiró porque “sofren continuamente problemas para pasar cos seus vehículos polos accesos provisionais”
Muras, 1 de decembro de 2023. A voceira dos populares de Muras, Eugenia Requeijo, define a xestión do goberno local como “un barco á deriva” atendendo á “mala planificación das obras e á desgana á hora de levar ao pleno os presupostos municipais”.
A popular comparte as queixas dos veciños e veciñas afectadas polas obras na praza do Viveiró porque “sofren continuamente problemas para pasar polos accesos provisionais. Como son camiños de terra, sen acondicionar debidamente para o paso de vehículos, varios coches tiveron que chamar á grúa para que lles axudasen a saír da lama. Hoxe poñíase en servizo unha vía na praza, pero continúa pechada a saída cara á Gañidoira, o que obriga aos veciños da zona a facer uso de camiños intransitables ou dar un importante rodeo”. Ademais, a portavoz do Grupo Municipal Popular lamenta que “o goberno local, como responsables da administración máis próxima, non ofreza información aos veciños e veciñas”.
As obras deberían estar rematadas, segundo a previsión, o 6 de novembro; pero as condicións meteorolóxicas atrasaron os traballos motivando tamén o atraso da celebración da Feira do Mel da Montaña. “Esta situación débese á mala planificación das obras” porque “se estiveran previstas para levalas a cabo nos meses secos, evitaríanse este tipo de problemas”.
O CONCELLO DE MURAS, SEN PRESUPOSTOS
Eugenia Requeijo lamenta tamén que “o alcalde non cumprise a súa palabra” porque “dixo que presentaría os presupostos para o 2024 no mes de novembro, pero xa estamos a día 1 de decembro e non temos coñecemento do proxecto”.
“Nin os do 2023, nin os do 2024”, subliña. De feito, lembra que “unha vez resoltas as alegacións presentadas en abril, o alcalde non volveu levar a pleno a aprobación dos orzamentos do 2023. Xa pasou tempo suficiente dende aquela, pero o rexedor nacionalista preferiu non volver levar a pleno a súa aprobación e iso supón atrasos no pago das axudas coma as da luz ou as da ANPA”.
Eugenia Requeijo incide en que “a pelota para desbloquear os orzamentos está no tellado do alcalde: ten que sometelos á aprobación no pleno”. Urxe, polo tanto, ao goberno local a elaborar e someter ao pleno os do 2024 para que estean en vigor a comezos de ano de forma que “non se demoren os pagos das axudas e se garantan tamén as partidas necesarias para as actuacións que se poden prever”.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
Será desde as 11 horas. Trátase dun reto por parellas no que enxeño, concentración e traballo en equipo serán claves para completar o puzzle no menor tempo posible. Agárdase a participación duns 40 equipos e haberá premios para os tres mellores tempos e un recoñecemento ao mellor tempo local. O Concello de Cervo anima a apoiar
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
