Compostela, 8 de xaneiro, 2024. A importante extensión acadada pola marea de pellets plásticos que dende hai un mes está arribando á costa galega fai urxente a activación da situación 2 de emerxencia do Plano CAMGAL, como vén de reclamar ADEGA á Xunta. Deste xeito, poderase solicitar ao Ministerio o apoio con medios marítimos (buques e barreiras anti-contaminación) para conter a extensión da vertedura de pellets antes de que cheguen ás costas.
Dada a natureza destes materiais e a súa flotabilidade, resultaría máis efectivo controlar a súa dispersión no propio mar, denantes de que arriben á costa e se depositen nos areais e nos bancos marisqueiros. De especial importancia sería reforzar a protección na boca das rías e na contorna dos espazos naturais protexidos, áreas nas que a penetración destes contaminantes e a súa persistencia no medio podería supoñer un maior dano ecolóxico.
ADEGA solicitou tamén unha entrevista urxente cos responsábeis de Medio Ambiente e Mar para coñecer as actuacións desenvolvidas pola administración da Xunta nesta catástrofe e reclamarlles maior transparencia na divulgación da información sobre a natureza, alcance e consecuencias desta marea plástica.
Precisamos coñecer canto antes a orixe, cantidade, composición exacta e potencial contaminante destes materiais plásticos para tomar as axeitadas medidas de protección e salvagardar a saúde ambiental e cidadá. Dende o pasado día 4 de xaneiro que pedimos información, non recibimos aínda resposta por parte da Xunta. Asemade, solicitamos tamén xuntanza cos responsábeis do Estado en Galiza para reclamarlles unha maior implicación e coordenación coa Xunta.
Formación do voluntariado
ADEGA está a organizar diversas xornadas formativas con voluntariado para a coordenación dos labores de limpeza e a intervención directa no litoral afectado, das que informaremos este vindero martes 9 de xaneiro. É fundamental establecer un protocolo de actuación e unha mínima coordenación nos labores de limpeza da costa afectada para non causar maiores danos aos fráxiles ecosistemas litorais. Evitar a masificación, coñecer o medio, usar as técnicas axeitadas e dirixir os esforzos alí onde se precisa resulta chave para que os traballos de limpeza sexan realmente efectivos. A experiencia acumulada durante a catástrofe do Prestige e as anuais limpezas simultáneas de praias debe resultar nuns traballos de voluntariado máis efectivos e seguros.
Con todo, lembramos que a principal responsabilidade da loita contra esta e outras verteduras de contaminantes na costa non é do voluntariado senón das administracións. Son a Xunta, o Estado e en última instancia os Concellos os encarregados de dispoñer os medios precisos para facer fronte a esta emerxencia ambiental. Exixímoslle portanto maior implicación, medios, coordenación e transparencia para que outra volta, non sexa a cidadanía a que teña que afrontar en solitario a loita contra esta nova catástrofe.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
