Burela, a 25 de xaneiro de 2024. A Asociación de Loita contra o Cancro Esperanza está satisfeita do traballo desenvolto durante o ano 2023, e xa está a preparar o Día Mundial contra o Cancro para dentro duns días.
DÍA MUNDIAL CONTRA O CANCRO
Como é sabido, o vindeiro 4 de febreiro é o Día Muncial contra o Cancro. Para sensibilizar á veciñanza, Esperanza montará mesas informativas, no Hospital e Centro de Saúde, nos lugares de costume para que todas aquelas persoas que queiran facer aportacións económicas para conquerir o obxectivo final da asociación poderán facelo.
Enmarcada nos actos do Día Mundial contra o Cancro está a gala solidaria que se celebrará o vindeiro sábado, día 27, ás sete da tarde, na Casa da Cultura de Burela. A asociación invita a toda a cidadanía a asistir a este evento, no que participarán Acordeonistas da Mariña, Acordeóns Terras do Miño, Begoña López, Diavolinos e Lino Rico. Sortearase unha cesta de peixe donada por ABSA e valorada en 250,00 euros. A entrada tén un custo de cinco euros e poderase mercar o mesmo día na taquilla. Evidentemente, a recadación será donada a entidades que traballan na investigación e loita contra a enfermidade.
Esperanza quere amosar o seu profundo agradecemento a todos e cada un dos colaboradores que fan que esta gala poida celebrarse. Sen o seu apoio e aportación sería imposible facela realidade.
BALANCE DO ANO 2023
Esperanza organizou na primavera pasada cursos de costura, pilates e pintura para asociados e público en xeral, con abondosa participación. Ao longo do ano, participou en todos os rastriños que se celebraron en Burela poñendo á venda diverso material donado por particulares amáis de pulseiras e chaveiros solidarios feitos á man. O colectivo tamén organizou un xantar de confraternidade para asociados e unha viaxe a Covadonga.
A asociación considera importante a colaboración feita para a confección da alfombra floral das Festas Patronais do ano pasado, pero sobre de todo as actividades centradas na loita contra o cancro, como a organización de actividades por mor do Día contra o cancro e do Día contra o cancro de mama, a participación na carreira solidaria contra o cancro, ou a II Xornada Escolar de sensibilización e prevención do cancro, feita en colaboración coa Fundación Alcoa.
Esperanza quere agradecer unha e mil veces a colaboración de tantas e tantas persoas, asociadas e non asociadas, e tamén entidades, que dun ou doutro xeito apoian o traballo do colectivo, un traballo que tén como obxectivo facer aportacións económicas a entidades que traballan na investigación sobre as causas da enfermidade así como na prevención, mellora da diagnose e tratamento da mesma e apoio ás persoas enfermas e ás súas familias. De feito, durante 2023 aportáronse un total de 7.500,00 euros a tres entidades vencelladas co indicado.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
