O grupo provincial respaldou a manifestación en defensa da sanidade pública convocada para o 4 de febreiro en Compostela por 55 colectivos sanitarios, sociais, político e sindicais
Lugo, 30 de xaneiro de 2024. O portavoz do BNG na Deputación de Lugo Daniel García amosou esta mañá no Pleno Provincial o apoio da formación nacionalista á manifestación pola sanidade pública convocada para o vindeiro 4 de febreiro en Compostela pola Plataforma SOS Sanidade Pública, integrada por 55 colectivos do ámbito sanitario, social, político e sindical.
Na defensa dunha proposta en relación con esta convocatoria, o deputado nacionalista repasou as consecuencias de 15 anos de políticas de recortes e desmantelamento do sistema sanitario público por parte do Partido Popular, especialmente na atención primaria, que se reflicte na falta de profesionais de medicina familiar e pediatría en centros de saúde de todas as comarcas, e apelou á mobilización social para recuperar unha atención sanitaria digna.
“Por primeira vez, as galegas e galegos temos que agardar durante semanas para poder ver a nosa médica ou médico de cabeceira e as nenas e nenos en seis de cada dez concellos non teñen pediatra. A día de hoxe, 9.080 persoas agardan no noso país para recibir unha primeira consulta en saúde mental na sanidade pública o que deixa a posibilidade de atención neste ámbito só en mans de quen poida pagala”, lembrou Daniel García, durante o debate da proposta que se aprobou cos votos a favor de BNG e PSOE.
Vivenda pública para arrendamento
O BNG tamén sacou adiante unha moción relativa á vivenda, que insta á Xunta de Galiza a poñer os recursos necesarios para garantir o acceso á vivenda, a través dun oferta suficiente de arrendamentos públicos.
A moción, aprobada co apoio do PSOE, propón a mobilización de vivendas baleiras e a construción de novos edificios para crear bolsas de alugueiro, así como a demanda da transferencia dos activos da SAREB en Galiza.
A deputada Iria Castro sinalou “o parque público de vivenda en Galiza está no 0,3 por cento”, unha cifra tan ínfima que, explicou, “ata a federación de empresas inmobiliarias ten demandado a mobilización de vivenda para facilitalas á mocidade”.
A respecto da política do Partido Popular na Xunta de Galiza, lembrou que “en xaneiro de 2010 suspenderon o plan sectorial de suelo residencial, que marcaba como obxectivo a construción de 45.600 vivendas protexidas entre 2009 e 2017. A poboación galega perde con vostedes”, concluíu.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
