A Mariña, venres 19 de xaneiro 2024. No día de ontes, o BNG presentou a súa candidatura pola circunscrición electoral de Lugo, na que participan 7 mariñaos e mariñás que representan territorialmente e socialmente á comarca desde os diferentes eidos laborais, sociais e políticos. No número 2 figura o actual deputado no Parlamento Daniel Castro, no 5, Iria Cotelo de Viveiro, no 7 Pilar Vázquez de Xove, no 10 Eloi Cabanas de Mondoñedo e pechan a lista Alejandra Fernández de Burela e Miguel Gómez de O Vicedo, nos postos 13 e 14 respectivamente. Como 2ª suplente aparece Vanesa Gómez Lourido, de Riotorto.
Mobilización de toda a maioría social que quere cambio para poñer a Ana Pontón a liderar un goberno que remate co illamento da Mariña
Desde o BNG fan un chamamento á participación masiva de todos os mariñaos e mariñás nestas eleccións do 18 de febreiro, para colocar na presidencia da Xunta a unha muller, nacionalista, Ana Pontón para liderar un goberno que poña fin aos moitos anos de discriminación da comarca en infraestruturas, en sanidade….un goberno que cumpla coa Mariña. “Para eso precisamos a mobilizacion de toda a maioría social que quere cambio, por eso imos redoblar esforzos e falar con todo o mundo, porque hai partido e imos a gañalo” afirmou Daniel Castro, que asegurou tamén que “A Mariña non pode agardar máis para rematar co seu illamento e engancharse ao século XXI, e este é o momento, é agora”.
Necesidade dun debate electoral sobre a situación da Mariña
Desde o BNG proponen a realización dun debate entre candidat@s das forzas políticas na comarca con representación parlamentaria sobre a situación da Mariña e a correspondente formulación de propostas para sacar á comarca da situación de retrasos e illamento en moitas materias coma as infraestruturas, a sanidade, a industria, o emprego…
Neste sentido Daniel Castro cre que este debate é moi necesario e sería moi positivo para toda a sociedade mariñá.
CANDIDAT@S BNG A MARIÑA
2.- Daniel Castro García. Graduado en Linguas Estranxeiras pola Universidade de Vigo e en Lingua e Literatura Galegas pola USC (RIBADEO)
5.- Iria Cotelo Cociña. Técnica en coidados auxiliares de enfermería. Concelleira de Promocion Económica, Emprego, Mercados e Comercio en Viveiro. (VIVEIRO)
7.- Pilar Vázquez Sánchez. Administrativa. Vice responsable comarcal do Bng A Mariña. Está cursando grado de Relacións Internacionais. Concelleira portavoz en Xove. (XOVE)
10.- Eloi Cabanas Ramos.Técnico superior en xestión de recursos naturais. Bombeiro forestal. Concelleiro-portavoz en Mondoñedo – (MONDOÑEDO)
13.- Alejandra Fernández Cillero. Celadora do Sergas. Concelleira de Igualdade en Burela – (BURELA)
14.- Miguel Gómez Fraga.Mantedor mecánico. Gandeiro. Traballador da factoría de Alcoa en San Cibrao. Concelleiro no Vicedo – (O VICEDO)
2ª Suplente
Vanesa Gómez Lourido
Xornalista – Concelleira portavoz en Riotorto. (RIOTORTO)
A banda presentará o seu espectáculo nunha cita aberta ao público, que promete unha noite de rock e diversión para todos os asistentes.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
