A primeira das probas tivo lugar este domingo 7 de xaneiro
Barreiros, 7 de xaneiro de 2024. O +KmsBarreiros 2024, foi presentado este venres pola alcaldesa de Barreiros, Ana Ermida, o concelleiro de dinamización, Dani García, xunto con integrantes das asociacións colaboradoras, Praias de Comado, Augas Santas e Ollomao.
Nesta edición, o circuíto achega novidades que buscan fomentar a práctica do exercicio físico e deporte. “Vamos a pola terceira edición do circuíto xa que está a ter moi boa acollida. Vimos nel unha maneira de unir sinerxías entre o Concello e as asociacións que viñan organizando probas deportivas en Barreiros. Tratamos de colaborar con estas asociacións para englobar todas as probas nunha liña similar pero que cada carreira mantivera o seu propio selo”, indica Dani García.
Tratando de ampliar o abano de posibilidades, o edil sinala que “Estamos organizando andainas a par que as probas deportivas para acoller máis perfís de xente que traten de evitar a inactividade e o sedentarismo. A primeira delas a deste domingo 7 de xaneiro xunto coa carreira de Reis. Esta andaina ten un carácter solidario no que o total recadado en inscricións será doado á asociación Saúde Mental a Mariña”.
Outra das novidades do circuíto é a creación da categoría por equipos. “Nesta modalidade poden xuntarse grupos de amigos/as e puntuaren no circuíto de maneira conxunta” apunta o edil de deportes. “O premio para o equipo gañador será unha comida ou cea que, a bo seguro, agradará para comentar as anécdotas das probas”.
Nas categorías individuais aumentouse a contía dos premios ata os 1000€ en metálico así como trofeos e agasallos para as persoas que finalicen 4 ou máis probas.
O circuíto inicia a súa andadura no 2024 este domingo 7 de xaneiro en San Cosme de Barreiros coa carreira solidaria de Reis que congregará a preto de 300 participantes entre andaina, carreiras de menores e a proba absoluta na que terán que cubrir unha distancia de 8 km.
O resto de probas que engloban o +KmsBarreiros son: a Carreira das Praias en marzo, a ½ km vertical Monte Comado en xullo, a Benquerencia Terra-Mar en agosto, os Trails Monte Comado en outubro e pecha, a carreira popular Ao Son do Masma en novembro.
Toda a información das probas, inscricións e clasificacións están dispoñibles na web do circuíto www.maiskmsbarreiros.gal así como na APP do mesmo nome que está dispoñible para Android e iOS.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
