Ribadeo, 20 de xaneiro, 2024. O BNG de Ribadeo cre que “unha vez máis, coa visita do presidente en funcións da Xunta a Ribadeo, e coa actitude case servil do alcalde de Ribadeo ante o seu xefe de partido, podemos constatar que todo o prometido para Ribadeo polo Partido Popular converteuse nunha cortina de fume da que foxen coma gato escaldado. Ben o puidemos ver, unha vez máis, hoxe, coa visita de Alfonso Rueda a Ribadeo. Por certo, unha visita que se encadra plenamente nos actos de precampaña do PP e que, no entanto, o goberno municipal anuncia nas redes sociais do Concello como se fose un acto institucional. Teñen as súas redes sociais ao pairo, e empregan as do Concello, pagadas con diñeiro de todos e todas, coma se fosen da súa propiedade particular”.
O BNG de Ribadeo demanda do PP ribadense que explique cando se van facer efectivos eses 700.000€ que o actual alcalde prometeu en campaña electoral que ían vir para Ribadeo para reformar integralmente o Hospital asilo se os populares ribadenses gañaban as eleccións municipais. “Queremos saber por que razón os deputados e deputadas do PP se opuxeron ás emendas presentadas polo BNG para que se destinaran fondos a dita reforma e tamén á construción do novo centro de saúde. Queremos saber por que non aproveitou hoxe o alcalde de Ribadeo para demandarlle ao candidato do PP á presidencia da Xunta un compromiso firme con esas promesas feitas polo seu partido en Ribadeo. É que lle dá a risa ao señor Rueda cada vez que escoita falar a Daniel Vega desa promesa electoral feita? Por iso mesmo non lle di nada o alcalde de Ribadeo ao presidente da Xunta? Vista a presenza de candidatos ou candidatas vinculados a Ribadeo nas listas electorais do PP pola provincia de Lugo, semella que si”.
Non pode ser que o Partido Popular de Ribadeo, engaden os nacionalistas, “deixe de lado ás súas veciñas e veciños só por agradar ao seu xefe de partido. Chegaron a soar as sereas por Ribadeo ao paso da comitiva popular! Mesmo se chegou a baldear unha das beirarrúas da Avenida Calvo Sotelo. A ver se adiviñan cal! Xustamente: a do tramo no que está a sede municipal do PP. É que até no baldeo de rúas se vai discriminar á veciñanza? Que motivo levou á concellaría de medio ambiente a ordenar o baldeo da rúa na que está a sede do PP e non a de en fronte, ou a da mesma beira, a partir do cruce con Camilo Barcia? E todo este servilismo só dá para que Alfonso Rueda veña facer a súa campaña sen abordar os problemas que ten Ribadeo?! Só dá para que na TVG falen de Rueda e nin mencionen o noso concello? Cando se vai comprometer seriamente o PP de Galicia con Ribadeo? Ben pouco caso lles podemos facer ás súas promesas de cara ao 18 de febreiro se tanto rin á conta nosa e tan pouco se fai valer o Partido Popular de Ribadeo”.
“O alcalde de Ribadeo está a mergullarse nunha sorte de megalomanía que mesmo arrastra a quen ten á súa beira. Ben se pode coidar a xente de non crer todas as súas promesas. De feito, xa comezan a facer augas algunhas das súas falcatruadas neste verán de gasto desbocado, de “ta to pagao”, que deixou unha sensación de preocupación que pouco a pouco irá medrando máis. Xa comezan a chegar facturas denegadas desde a Xunta, xa comezan a verse reparos graves por parte de quen ten que fiscalizar a acción de goberno, xa comeza a propagarse a sensación, entre os técnicos e técnicas do concello, de que hai que ter tino co que se asina, que non todo vale. Que este home non o pode todo e o único que pode é meternos a todos e todas nós en serios problemas que acaben condicionando a viabilidade do concello. Non. Hai que lle facer fronte. Con rigor e con seriedade, sen facer espaventos. Sen se deixar levar por esa actitude abafante de chucho vai chucho vén, que te deixa sen palabras. Non, señor alcalde: non todo vale! Temos unha boa oportunidade o 18 de febreiro de demostralo e facer valer o peso de Ribadeo”.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
