Ecoloxistas en Acción pide á Xunta de Galicia que rexeite a solicitude de captación e vertido para o proxecto Gama de Altri
Compostela, 28 de febreiro, 2024. A empresa portuguesa Altri, co apoio da Xunta de Galicia, pretende construir unha enorme factoria de fabricación de celulosa e textil en terreos agrarios, a menos de dous quilómetros do Camiño de Santiago, na súa ruta do Camiño Francés ao seu paso entre Palas de Rei e Melide, entre as zonas da Rede Natura 2000 da Serra do Careón, o Sistema fluvial Ulla-Deza e as Sobreiras do Arnego, ao pé das Torrentes do Mácara, do balneario de Pambre e do Castelo de Pambre.
Ecoloxistas en Acción sinala que non semella unha proposta moi axeitada promover para a bacia do Ulla a instalación dunha pasteira que ocupará tanto terreo coma a extensión de Santiago de Compostela. Unha factoría que precisará dun consumo diario de auga superior ao que consume toda a poboación de toda a provincia de Lugo no mesmo día. Auga que terá que obtela da cunca do río Ulla, que cada ano vese máis mermada e con maiores restriccións de auga para o consumo humano.
“Da captación devolverán tres cuartas partes da auga, pero desta auga devolta descoñecese o tipo de tratamento que terá despois do seu uso para os distintos procesos químicos que a pasteira realizará para fabricar fibras textiles e celulosa*, denuncia Ecoloxistas en Acción, que ademais asegura que a factoría de Altri consumiría auga en cantidades superiores ás que demanda a actual fábrica de ENCE en Pontevedra.
Para a organización ecoloxista as verteduras previstas por ALTRI representarán sen dúbida unha multiplicación da carga orgánica e da carga de nutrientes (aínda que se depuren previamente), que ingresan neste sistema de encoros, co que “o problema de eutrofización vaise a multiplicar”. Ecoloxistas en Acción sinala que isto vai acarrexar unha afección ás captacións existentes para o consumo humano, á calidade de auga para o baño, para a vida dos peixes e para o mantemento de todo o ecosistema acuático do Sistema fluvial Ulla Deza.
Lembran que debe terse en conta ademais que esa parte da conca do Ulla sofre importantes problemas de estiaxe (secando algúns anos temporalmente varias canles como o Moreira, Seco e o Ponte Videla), co que a dilución da vertedura será menor. Para a organización ecoloxista coa Instalación desta enorme pasteira estariase incumprindo co Plan director do Camiño e coas esixencias das Directivas europeas de protección da Rede Natura 2000 que reciben anualmente milleiros de fondos públicos para a súa conservación e promoción. A ubicación do complexo químico estaría a menos de 2 km do Camiño, da Rede Natura e da cunca do río Ulla. Ademais, sinalan que este proxecto acarrexaría a transformación da paisaxe da contorna do Ulla en enormes plantacións de eucaliptos.
Ecoloxistas en Acción solicita á Xunta a denegación da petición de captación de auga e vertido realizada por Altri a través dunha nobel empresa denominada Greenfiber que creou para a xestión dun proxecto declarado estratéxico. Tamén requiren ao goberno galego que se expoña a información pública o proxecto Gama con todos os informes que teña realizados, para sometelo a avaliación de impacto ambiental sen incurrir en fragmentación.
“A Xunta debe solicitar informe vinculante a alomenos 23 organismos sobre os impactos reais. Ás tres deputacións provinciais con concellos afectados, aos catro concellos con terras de particulares afectados, aos 19 concellos da ribeira do Ulla que poden ver comprometidos os seus recursos económicos e hídricos e ademais a todos os concellos do tramo do Camiño de Santiago que poden verse afectados e incluso posta en risco a declaración de Patrimonio da Humanidade ou que podería supoñer o desvío dese tramo da ruta do Camiño”, destaca a voceira de Ecoloxistas en Acción.
Isabel García insiste en que Augas de Galicia ten competencia para frear este dano ambiental e social, xa que a natureza da vertedura que se tramita entra dentro dos casos de actuacións industriais contaminantes que poden ser limitadas conforme o que establece o artigo 260.1 do Regulamento do Dominio público hidráulico
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
Ao longo desta semana, máis de 40 científicas, divulgadoras, xornalistas e activistas participan nunha campaña simultánea en todo o Estado para achegar á cidadanía as consecuencias que os recentes ataques a Irán poden ter na vida cotiá. No marco desta iniciativa, celebrarase en Ribadeo un acto informativo o venres 17, na Escola Municipal de Música, ás 19:00 horas. Toda a información sobre o No Normal Tour está dispoñible en: 
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
