A candidata número 3 do PSdeG pola provincia de Lugo trasladou este xoves aos representantes dos traballadores da planta de Alcoa que os socialistas liderados por Besteiro “seguirán a loitar e dando a cara para manter a actividade industrial e os postos de traballo na Mariña”
Viveiro, 8 de febreiro de 2024. A candidata socialista ás eleccións autonómicas pola provincia de Lugo Mayra García Bermúdez ratificou este xoves nunha reunión mantida cos representantes dos traballadores da planta de Alcoa San Cibrao, en Cervo, o compromiso “absoluto” do Goberno Central e de José Ramón Gómez Besteiro co futuro da compañía. Lembrou a socialista que “grazas a xestión de Besteiro en Madrid o Consello de Ministros aprobou a modificación do Real Decreto que permitiu desbloquear para este 2024 os cinco parques eólicos que estaban fóra de prazo, garantindo así o abastecemento de enerxía á factoría”.
Durante o encontro, a candidata ao Parlamento de Galicia trasladou ao Presidente do comité de empresa e os seus representantes que os socialistas “seguirán a loitar e dando a cara para manter a actividade industrial e os postos de traballo na Mariña, tal e como estamos a facer hoxe aquí”. Acompañada polas Alcaldesas de Viveiro, María Loureiro, e de Burela, Carmela López, e a socialista Patricia Otero, lembrou a candidata que a compañía ameazou a finais de xaneiro con non reactivar a fábrica de aluminio, o que supoñería o incumprimento do compromiso adquirido con traballadores e o Goberno.
“Tralo anuncio o Goberno volveu convocar a comisión de seguimento de Alcoa e tras esta reunión, a multinacional deu marcha atrás os seus plans comprometéndose a rearrincar a fábrica días despois, como finalmente fixo, pese a manter o aviso sobre o impacto nas súas contas”. Polo que, seguimos a demostrar que os socialistas “estamos ao carón dos traballadores e traballadoras defendendo a viabilidade desta factoría, escoitando as súas preocupacións e traballando a reo para poñer en riba da mesa solucións que manteñan a súa actividade, porque sabemos da vital importancia que ten especialmente para a Mariña, pero tamén para toda Galicia”.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
