Ribadeo, 5 de febreiro de 2024. O Concello investirá 370.000 euros en mellorar a estrada da costa. Será con cargo ao Plan Único da Deputación de Lugo.
O alcalde, Dani Vega, explicou que “desde o Concello, escoitando a moitos colectivos e asociacións, decidimos investir 370.000 euros na estrada da costa. Era unha vella demanda e unha reivindicación constante por parte de moitas persoas de Ribadeo que entendían que esa estrada tiña que estar en perfecto estado. É unha estrada que soporta moito tráfico durante todo o ano e máis durante o verán”.
O rexedor aludiu “a aquilo que nós reivindicabamos cando estabamos na oposición dicindo que había que investir nese viario para resolver todo ese destrozo que presenta e había que dar un pasiño importante para ir dotando a esta infraestrutura dunha inversión. Entón todo o que diciamos desde a oposición e que nos parecía interesante agora que estamos no goberno cumprimos coa palabra dada, que é moi importante. O mais importante en política, desde o meu punto de vista, é cumprir con aquilo que prometes”.
Vega subliñou que “imos investir estes 370.000 euros a través do Plan Único da Deputación de Lugo. Tamén investiremos no SAF con cargo ao devandito plan e contrataremos persoal no Concello tanto administrativo, como 2 peóns de medio ambiente e un técnico de desenvolvemento local. Sempre defendemos este Plan Único, parécenos importante investir e colaborar coas administracións. Sempre o dixemos, non hai que construír muros entre administracións, é bo abrir as portas e entenderse con todos. O máis importante é que veña investimento para Ribadeo. Diciámolo na oposición e cumprímolo desde o goberno”.
O alcalde indicou que “esta inversión vai significar un cambio por completo en toda a nosa costa cunha inversión importante, máis de 370.000 euros, pero tamén un cambio de imaxe total. Pasiño a pasiño imos cumprindo, traballando con todas as administracións, e entre todos para mellorar Ribadeo”.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
Unha comedia orientada para público infantil escrita e dirixida por Bea Campos. Hora: 18h.
No marco do 8M, esta empresa de comunicación e publicidade decidiu celebrar a súa traxectoria reunindo a 18 mulleres diferentes para compartir as súas experiencias no ámbito persoal e profesional, co obxectivo de render un homenaxe á muller.
No acto, organizado coa colaboración da Vicepresidencia da Deputación e a área de Cultura do Concello, entregouse o Premio do Público ao filme Antes de Nós, de Ángeles Huerta, a obra máis votada pola cidadanía. A deputada de Cultura Iria Castro destacou que este encontro serve como adianto da gala e subliñou o orgullo de converter Lugo no epicentro do audiovisual galego durante estas semanas cheas de actividades arredor dos galardóns.
Cabe sinalar que o concello de Castro de Rei solicitou xa a súa adhesión ao novo convenio de xestión da biomasa nas faixas secundarias asinado entre a Consellería do Medio Rural e a empresa pública Seaga. Destacou así que a prevención é unha tarefa compartida por administracións e propietarios. Sinalou tamén as importantes novidades que presenta este convenio con respecto aos anteriores acordos, como é o incremento do orzamento, que ascende ata os 25 millóns de euros anuais.
A charla será impartida por Diego Fernández Méndez, colaborador da asociación, quen repasará a evolución do sector conserveiro e o seu impacto económico e social no municipio. A actividade inclúe un recoñecemento ás mulleres traballadoras de Conservas Albo, coincidindo coa conmemoración do 8M, cunha mención especial ás últimas empregadas que pecharon esta etapa histórica. A xornada rematará cunha degustación de produtos da marca.
