A tenenta de alcaldesa Míriam Bermúdez, lembra que a recollida de enseres é gratuíta, “só hai que avisar previamente chamando ao 697 16 26 37 ou escribindo a ese mesmo número por Whatsapp”
Viveiro, 23 de febreiro de 2024. O Concello de Viveiro pide á veciñanza do municipio unha maior colaboración no depósito de enseres e residuos na vía pública. Dende a empresa FCC sinalan que recollen enseres sen aviso previo nunha media de 25 a 30 ubicacións cada semana, ademais dos que si están axendados.
A tenenta de alcaldesa e concelleira de Medio Ambiente, Míriam Bermúdez, lembra á veciñanza que “a recollida de enseres e residuos é gratuíta e na propia casa, só hai que avisar previamente chamando ao 697 16 26 37 ou escribindo a ese mesmo número por Whatsapp”.
“O depósito sen previo aviso ou incorrecto de enseres repercute nunha estética pouco coidada da vila, e resulta especialmente grave o depósito de residuos no monte cando se dispón deste servizo gratuíto”, sinala Bermúdez.
Dende a Concellería de Medio Ambiente estase traballando na Ordenanza de Convivencia e Residuos para exercer un maior control sobre estas situacións, recollidas na mesma como sancionables.
A nova ordenanza sancionará o abandono de residuos con multas de entre 50€ e 70€ para infraccións leves, de entre 751€ e 1.500€ para as infraccións graves, e de 1.501€ a 3.000€ para as moi graves, incluíndo estas últimas o depósito de materiais perigosos como a uralita. A previsión é que en dous ou tres meses poida tratarse no pleno municipal.
“Apelamos á responsabilidade individual de cada veciño e veciña para que situacións inaceptables como estas non se volvan dar”, recalca a tenenta de alcaldesa.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
