Elena Rivo, Cristina Sanz e Sandra Vázquez explicaron nun encontro en Vilalba algunhas das medidas para avanzar en materia de igualdade
Vilalba, 12 de febreiro de 2024. “O rural e as mulleres son dous piares fundamentais desta provincia e por iso quixemos comezar esta semana, nos últimos días de campaña antes do 18 de febreiro, en contacto con representantes das mulleres rurais”, subliñou Cristina Sanz, “para trasladarlles o noso apoio e presentar algunhas medidas da Galicia de Rueda” coma a aprobación do Estatuto da Muller Rural para garantir os seus dereitos específicos e desenvolver os principios inspiradores da Lei galega da igualdade.
A candidata polo PP da provincia ao Parlamento galego acudiu a un encontro celebrado na casa escola de Bordelle, en Vilalba, xunto á tamén candidata Alicia López, a titular de Promoción do Emprego e Igualdade do Goberno galego e candidata por Ourense, Elena Rivo, e a presidenta do PP vilalbés, Sandra Vázquez.
As populares subliñaron que “as mulleres rurais son parte activa e fundamental no emprendemento rural, aportando o talento e como motores do emprego igualitario e do traballo respectuoso co medio”. E, nese sentido, avanzaron a súa intención de “seguir a traballar da vosa man, da man das entidades que vos representan”.
Rivo subliñou que “nos últimos catro anos o Goberno galego fomentou o emprendemento feminino apoiando a máis de 1.500 mulleres a través do programa Emega con máis de 23M€”. E lembrou que “en Galicia fomos pioneiros na posta en marcha de medidas nos últimos anos para garantir a igualdade entre mulleres e homes, educar nunha sociedade xusta e equitativa, protexer as vítimas da violencia machista e as súas familias, facilitar a conciliación e a corresponsabilidade e erradicar discriminacións por razón de sexo ou identidade”.
A GALICIA DE RUEDA EN IGUALDADE
As populares subliñaron o seu compromiso de “traballar para seguir avanzando na igualdade de oportunidades entre homes e mulleres, xa vivan en contornas urbanas coma en contornas rurais”. Ademais da aprobación do Estatuto da Muller Rural, subliñaron outras medidas coma o incremento das axudas para o acceso das mulleres á actividade agraria e á titularidade das explotacións agropecuarias ou a flexibilidade laboral con apoio a medidas que fomenten o teletraballo, horarios flexibles ou a posta en marcha de servizos de conciliación -estendendo as casas niños a tódolos concellos de Galicia que non dispoñen de ningún outro recurso ou garantindo a gratuidade da educación infantil 0-3 anos.
O programa de Goberno de Alfonso Rueda tamén seguirá a colaborar co tecido empresarial no fomento do ascenso de mulleres en postos de directivos e de decisión, a través dunha nova axuda económica ás empresas. E tamén reforzará e ampliará a formación específica en igualdade laboral; ademais de aprobar a estratexia para o impulso do emprego feminino de alto valor engadido en favor dunha igualdade efectiva nos ámbitos masculinizados.
Así mesmo, prevé ampliar a carteira de servizos dos centros de información á muller (CIM), para atender todas as necesidades.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
