“A todas as persoas que queren cambio, dá igual o que votaran noutras eleccións, dígolles que este é o momento de apostalo todo ao BNG para derrotar ao PP”, asegurou
Santiago de Compostela, 11 de febreiro, 2024. A candidata do BNG á Presidencia, Ana Pontón, pediulle aos galegos e as galegas “desde a humildade, que me permitan ser a súa presidenta e poñer en marcha unha Galiza mellor”. Así o afirmou no mitin en Lugo, onde se amosou convencida de que o cambio en Galiza non só é posible, senón que xa é imparable porque hai unha corrente de esperanza que medra día tras día en torno á candidatura do BNG.
“Hai un movemento imparable porque hai miles de persoas que están fartas de ver como Galiza perde e queren abrir un tempo novo poñendo en marcha unha Galiza mellor, facendo historia cunha presidenta coas mans libres para defender o País”, proclamou. “A min ninguén me vai poñer límites á hora de defender os intereses dos galegos e as galegas, eu ben sei a quen me debo”, engadiu no mitin da cidade das Murallas, no que tamén interveu a cabeza de cartel por Lugo, Olalla Rodil, e a candidata Montserrat Valcárcel.
Pontón apelou de novo á mobilización masiva e a concentrar o voto do cambio no BNG, a forza capaz de derrotar ao PP este 18-F. “Que nin un só voto do cambio quede na casa. Non se pode perder nun só voto”, recalcou, para a continuación insistir en que “da igual o que votaran noutras ocasións, este é o momento de que todas as persoas que queren cambio e queren abrir un tempo novo en Galiza aposten todo á papeleta do BNG”, dixo convencida de que o Bloque é, a menos dunha semanas das cita coas urnas, a forza que representa “a esperanza para todos os galegos e galegas que queren que Galiza empece a gañar”.
Na súa intervención Pontón aludiu ás declaracións do candidato Alfonso Rueda, que dixo que como o PP ten palabra non promete nada do que non pode cumprir. “Recordades cando en 2009 dicían que ían construír o Ave de Lugo a Ourense con cartos da Xunta? Recordades cando dicían que se o PP gañaba se acababan os problemas en Alcoa? Recordades cando prometían rehabilitar a Tinería, construír vivenda pública nesta cidade, cando anunciaban o Museo da romanización ou a posta en marcha dun centro de emprendemento da industria aeronáutica porque Rozas ía ser a Citroen de Lugo?”, preguntou Pontón ao auditorio de Lugo.
“Menos mal que teñen palabra! Menos mal que só prometen o que poden cumprir”, ironizou a continuación a candidata nacionalista, para quen “o PP fixo da mentira a súa forma de facer política”. “Señor Rueda, tanta trola xa non cola”, afirmou.
Por iso, Pontón dirixiuse á maioría social que quere pasar a páxina da Galiza gris e en pequeno que deixa o PP, que xa demostrou que “non ten nin proxecto, nin ideas nin ilusión” e, pola contra, se ten convertido nunha “rémora” para o País . Unha maioría de xente que quere cambio á que emprazou a votar masivamente ao Bloque para “facer historia” facendo que o País colla outro rumbo cara unha Galiza cun goberno, do BNG, que resolva os problemas e mellore a vida da xente.
“Quero ser a presidenta dos galegos e das galegas para defender a sanidade pública, para poñer en marcha un novo modelo de coidados no que as persoas maiores poidan desfrutar desa etapa da vida nas súa casa; para darlle oportunidades á xente nova para que teña futuro aquí e non se vexa na obriga de emigrar e para seguir construíndo unha Galiza que aposte pola igualdade e polo feminismo”, asegurou.
“Se queremos resultados diferentes, temos que apostar por algo diferente”, continuou Pontón, que asegurou que estes días ve aos dirixentes do PP “enfadados, preocupados e moi, moi nerviosos” ante o avance imparable do BNG, un PP que confía tan pouco no seu candidato que o esconde e non o mandan aos debates. “Confían tan pouco que ata mandaron reforzos”, dixo aludindo ao “turismo electoral” desta fin de semana.
“Pois aínda que traian a toda a Armada e a toda a artillería o l18 de febreiro van saber o que é perder unhas eleccións. Porque imos gañar”, proclamou Pontón, segura de que o 18F os galegos e as galegas van apostar por construír a Galiza en grande que propón o BNG.
Na cidade das Murallas, Pontón fixo un chamamento a todos os veciños e veciñas de Lugo para que o 18F sexan o motor do cambio que a Galiza do interior precisa cun goberno que aposte de maneira decidida pola cohesión territorial e a igualdade de oportunidades no conxunto do País.
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
