Un dos obradoiros estará destinado a menores de 30 anos con especialidades de dinamización cultural e xardinería
Barreiros, 19 de marzo de 2024. O Concello de Barreiros vén de aprobar a solicitude de dous obradoiros de emprego no que se dará formación profesional a un total de 36 persoas dos concellos de Barreiros e Ribadeo.
A alcaldesa, Ana Ermida, explicou que se trata de “dous obradoiros que abranguen todas as idades e cos que se pretende formar persoal para traballos cunha importante demanda tanto no sector público como privado”.
A rexedora manifestou o agradecemento ao Concello de Ribadeo que “dá continuidade á colaboración iniciada anos atrás entre os dous Concellos para solicitar estes obradoiros que supoñen unha oportunidade formativa e laboral para a veciñanza no propio territorio, promovendo accións que buscan ampliar as saídas laborais das persoas que deciden quedar a facer as súas vidas nos nosos concellos”.
Obradoiro de garantía xuvenil “Máis Emprego”
Este obradoiro estará destinado a 16 persoas menores de 30 anos que participarán no mesmo durante 12 meses. Nel inclúese un plan formativo e de traballo en especialidades de dinamización e fomento de actividades culturais e instalación e mantemento de xardíns e zonas verdes.
Con estas especialidades preténdense desenvolver como eixos estratéxicos o desenvolvemento de actividades educativas e de lecer, así como de actividade física saudable e a xestión e organización de operacións de instalación, mantemento e mellora de xardíns e zonas verdes.
Obradoiro dual de emprego “Constrúe en verde”
O obradoiro dual está dirixido a persoas maiores de 18 anos, sen límite de idade, contando cun total de 20 prazas que desenvolverán o proxecto durante nove meses. Esta tipoloxía de obradoiros contempla un programa de inserción laboral para as persoas participantes, polo que poden obter ao remate do mesmo unha contratación laboral subvencionada de 3 meses en empresas do ámbito das materias impartidas.
Nesta modalidade impartiranse as especialidades de revestimentos en construción, limpeza de espazos abertos, locais, mobiliario e instalacións industriais e xestión de residuos urbanos e industriais. Con estas modalidades ponse o foco na importancia do coidado, mantemento e rehabilitación de mobiliario e instalacións e na xestión dos residuos dun xeito eficiente e consciente.
Para o desenvolvemento destes obradoiros tamén se procederá á contratación de persoal docente e administrativo. A xestión dos mesmos, correrá a cargo do Concello de Ribadeo, para o que o Concello de Barreiros vén de aprobar sendas encomendas de xestión.
Foz será o protagonista do programa Voces de Lugo, de RadioVoz, que se emitirá en directo de 12 a 14 horas desde a cafetería Marexada para toda a provincia. Félix Jorquera charlará co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fará un balance do verán, analizará os proxectos para os vindeiros meses e tamén o momento polo que atravesa o deporte local.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
