Para acceder a este servizo, é necesario que as persoas interesadas agreguen a súa axenda de contactos o número 633.600.435 e envíen unha mensaxe coa palabra ALTA. A partir de aí xa terán acceso á información
Barreiros, 20 de marzo de 2024. O Concello de Barreiros vén de realizar unha renovación da súa canle de comunicación a través de WhatsApp co fin de darlle un pulo no coñecemento da poboación en xeral.
Esta canle, que se puxo en marcha en plena pandemia, conta xa con persoas usuarias da mesma; pero a alcaldesa, Ana Ermida, manifesta que pretenden “conseguir que chegue a moita máis poboación. Somos conscientes que a mensaxería de WhatsApp é cada vez máis utilizada por persoas de todas as idades e queremos que a información do Concello de Barreiros poida chegar de xeito directo e instantáneo a calquera persoa que o desexe”.
Por medio deste servizo o consistorio enviará información aos veciños e veciñas sobre as últimas novidades e eventos do Concello de Barreiros. Así, cada persoa poderá recibir alertas sobre actividades culturais, deportivas, sociais, dos bandos municipais, calendario, situación das praias, situacións de emerxencia e moito máis directamente no seu teléfono a través da aplicación WhatsApp.
Cómo acceder?
É sinxelo, só fai falla seguir os seguintes pasos:
1. Engade o teléfono 633.600.435 á lista de contactos.
2. Envíanos a mensaxe “ALTA BARREIROS” xunto con nome e apelidos vía Whatsapp. Por exemplo: ALTA BARREIROS Sonia Gómez López
Qué esperar deste servizo?
Esta canle de difusión está deseñada exclusivamente para enviar información de interese xeral á veciñanza. Con todo, é importante ter en conta algunhas pautas:
1. Este servizó é unidireccional e só se empregará para proporcionar información. O seu fin non é atender demandas, queixas ou suxestións.
2. Non se responderán mensaxes nin se atenderán chamadas no número de teléfono proporcionado.
3. Se nalgún momento se desexa darse de baixa do servizo, simplemente fai falla comunicalo mediante unha mensaxe.
A banda presentará o seu espectáculo nunha cita aberta ao público, que promete unha noite de rock e diversión para todos os asistentes.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
