Viveiro, 21 de marzo de 2024. Con motivo da celebración das procesións de Semana Santa, o Concello de Viveiro informa dos cambios que se realizarán tanto no tráfico como no estacionamento, co obxectivo de mellorar a seguridade e a información aos condutores.
Con estas medidas, o Concello quere compatibilizar a celebración da Semana Santa coa vida diaria dos veciños e veciñas, causando as menores molestias posibles e facilitando á súa vez a chegada de visitantes á vila.
ZONA ORA, TRAVESIA DA MARINA E PRAZA DE LUGO
Por unha banda, o Xoves e Venres Santo, durante todo o día, con motivo do paso das procesións, non se poderá estacionar ningún tipo de vehículos entre a Praza de Lugo e a Porta de Carlos V, en ambas marxes. Isto afecta á zona azul, carga e descarga e ó resto de prazas.
Por outra banda, a circulación de vehículos na Travesía da Mariña, Avenida de Galicia e Ponte da Misericordia verase restrinxida o Xoves Santo dende as 22:00 horas ata que remate a Procesión da Misericordia. O mesmo ocorrerá o Venres Santo a partir das 22:00 horas coa Procesión da Paixón.
AVDA DE CERVANTES- REGO DAS FRORES
Dende mañá venres, 22 de marzo e ata o luns 1 de abril, vaise habilitar o paso mediante semáforos dende a Avenida Benito Galcerán ata Rúa Rego das Flores en ambos sentidos e de xeito ininterrompido.
A Avda. de Cervantes cortarse ao tráfico nas seguintes datas e horarios:
Venres 22 de marzo: Vai estar cortada dende as 15:00 horas do venres 22 ata as 8:00 horas da mañá do sábado 23, con motivo da execución de obras de mellora do firme e polo paso da procesión de Venres de Dolores.
Domingo 24 de marzo, de 11:00 a 21:00 horas.
Martes 26 de marzo, de 20:00 a 21:30 horas.
Mércores 27 de marzo, de 21:00 a 23:30 horas.
Xoves 28 de marzo, de 15:30 a 02:30 horas.
Venres 29 de marzo, de 11:00 a 01:30 horas.
Sábado 30 de marzo, de 15:30 a 21:00 horas.
Domingo 31 de marzo, de 11:00 a 21:30 horas.
Os horarios destes cortes foron falados na reunión de seguridade celebrada con motivo da Semana Santa, tendo en conta a particularidade de que a maiores, de momento, seguimos sen Policía Local, polo que foi necesario reorganizar os cortes de tráfico e distribuílos desta maneira.
Lémbrase, asemade, que durante toda a Semana Santa o concello disporá do servizo de grúa para ser utilizado no caso de precisar a retirada dalgún vehículo.
O concello agradece de antemán a colaboración e a comprensión de todos, pedindo desculpas polas molestias que se poidan ocasionar, e co desexo de que a Semana Santa 2024 sexa de novo un gran éxito.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
