A primeira desta serie de veladas será o sábado 30 de marzo a partir das 22 horas, no centro social Xebra, na rúa Leandro Cucurny 19, Burela
Burela, 22 de marzo, 2024. A Semana Santa é un tempo que convida ao recollemento e á reflexión. Con todo, o centro social Xebra, en Burela, escolle esta data para inaugurar os seu ‘Sábados electrónicos’, unha iniciativa da asociación que ofrecerá semestralmente sesións electrónicas con DJs de primeiro nivel na escena galega e estatal. O primeiro guateque será o sábado 30 de marzo, a partir das 22 horas, con entrada a 8 euros para persoas socias (10 euros para non socias).
Os artistas convidados serán Death Whistle e Ángel Novcad. O primeiro é o proxecto musical do multifacético explorador sonoro e audiovisual Víctor García, orixinario de Viveiro e actualmente taxista na vila. O artista conta cunha traxectoria mutante ao longo dos anos que o teñen levado desde ser parte de grupos como Mano de obra ata a creación de música para videoxogos e obras cinematográficas, entre as que destacan as películas ganadoras nos premios Goya Decorado e Psiconautas, los niños olvidados. Despois da publicación dun primeiro álbum, Alter, co selo barcelonés Hedonic Reversal, chega ao Xebra a presentar o seu novo directo cargado de escuras paisaxes sonoras xunto con paraxes ambientais que se cortan abruptamente.
A outra cabeza que completa o cartaz desta primeira edición é Ángel NovCad, nome artístico do proxecto en solitario de José Ángel Novoa, membro tamén de grupos musicais como Viernes y Furia, Fábrica de Espejos ou Terror Erótico Adolescente. Con a proposta musical coa que chega a Burela publicou xa 4 EP’s nos que combina diferentes xéneros que van desde o Rock Experimental ao Ambient, pasando sempre polo tamiz do Techno. Como acostuma a facer nos seus directos, no Xebra combinará a música en directo cun espectáculo audovisual.
Organización e artistas animan ao público a asistir e prometen un encontro que incitará á diversión e que contraprograma –desde a alegría e a música– a formalidade da Semana Santa.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
