“Estamos moi satisfeitos coa resposta veciñal ao operativo iniciado en verán, xa que a meirande parte das parcelas que precisaban unha mellora foron arranxadas”, sinala a alcaldesa Carmela López
Burela, 11 de abril de 2024. O Concello de Burela agradece á veciñanza a súa resposta ao operativo iniciado o pasado agosto pola Policía Local de Burela para controlar o estado de mantemento e conservación dos soares do municipio.
Das 150 parcelas con expedientes abertos por incumprir as condicións estéticas e de hixiene necesarias, máis de 100 se atopan xa limpas, sen que isto supuxese ningún custo adicional para o Concello.
“Estamos moi satisfeitos coa resposta veciñal ao operativo iniciado en verán, xa que a meirande parte das parcelas que precisaban unha mellora foron arranxadas pola propia veciñanza despois das peticións que lles mandamos”, sinala a alcaldesa Carmela López.
A limpeza destes soares “era necesaria tanto por criterios estéticos como hixiénicos e de seguridade, polo que dende o Concello realizamos un esforzo a nivel técnico identificando os problemas existentes e a veciñanza respondeu con responsabilidade, aportando deste xeito todos e todas o noso gran de area”, explica.
López destaca que “o balance do operativo é moi positivo, pois non se tivo case que sancionar, e as limpezas tiveron un custo de 0€ para o Concello de Burela”. “Os casos máis complexos son os de terreos cuxa propiedade foi herdada por moitas persoas, ou os que son propiedade da Sareb”, subliña.
“Manter as parcelas limpas é unha prioridade do noso Goberno, xa que é unha demanda fundamental da cidadanía de Burela e se encadra no noso obxectivo de manter unha vila bonita e agradable para vivir”, engade a rexedora.
Ata o momento só foi necesario recurrir á execución subsidiaria, na que o Concello procede á limpeza do soar con cargo á persoa ou persoas propietarias do mesmo, en 4 casos. Outros 20 expedientes atópanse actualmente en curso de cara á execución subsidiaria.
Ademais de proceder á execución subsidiaria, de acordo co artigo 47 da Ordenanza Municipal de Limpeza no seu apartado b.3, o Concello proporá para sancións de ata 1.500€ ás persoas que incumpran o deber de manter os terreos “limpos, libres de residuos e nas debidas condicións de hixiene, salubridade, seguridade e ornato público”.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
