O Valadouro, 15 Abril, 2024. Os Bombeiros de Barreiros rescataron co seu vehículo de altura a dúas persoas do 4º piso pola fachada do inmoble, que, tras os intentos dos profesionais sanitarios, tan só lograron estabilizar a unha delas, a outra persoa nada se puido facer por salvarlle a vida.
O edificio tivo que ser desaloxado e, tras a valoración dos profesionais de extinción, os residentes non poderán volver ás súas casas ata pasados uns días, debido aos danos causados.
Todo parece indicar que o lume iniciouse nunha habitación da vivenda do 1º piso, que ardeu na súa totalidade, quedando toda ela afectada polos gases e polo fume ocasionado. O impacto causado polas chamas fixo que rebentase unha xanela que conectaba co patio de luces do edificio, o que provocou a rotura de cristais nas demais vivendas, incluso os pisos superiores tamén resultaron afectados polo fume e polas altas temperaturas alcanzadas. Con todo, os axentes da Garda Civil traballan agora para esclarecer as causas que orixinaron o incendio.
Un amplo dispositivo púxose en marcha nada máis recibir a chamada de varios alertadores no 112 Galicia, ás 14:45 horas desta tarde. Todos eles indicaban que vían saír fume da galería dun piso dun edificio de catro andares, situado na Avenida da Deputación, en Ferreira, no concello lucense do Valadouro. Engadían, ademais, que había xente nos balcóns que pedían axuda.
Así, con estes datos, desde o 112 Galicia informouse enseguida aos Bombeiros de Barreiros e ao Servizo de Urxencias Sanitarias de Galicia-061, que derivou ao momento varias ambulancias. Do mesmo xeito, os xestores do 112 puxeron os feitos en coñecemento da Garda Civil, do GES de Cervo e dos efectivos da Agrupación de Voluntarios de Protección Civil da localidade.
Tras informar o persoal do Concello e confirmarse a complexidade da situación, tamén foron informados os Bombeiros de Viveiro, que, aínda que se desprazaron de inmediato ata o lugar, non foi necesaria a súa intervención.
Finalmente, o persoal do Servizo de Urxencias Sanitarias de Galicia-061 confirmou aos xestores do 112 o falecemento dunha persoa e o traslado doutras dúas, unha delas ao Hospital da Mariña e a outra ao PAC de Burela.
A primeira sesión, de 11:00 a 12:30 h, contará cun autor asturiano destacado polo seu traballo arredor do mundo rural e da cultura campesiña. A actividade é aberta, participativa e gratuíta ata completar aforo.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Na presentación participaron o delegado territorial da Xunta, Javier Arias; o Deputado de Cooperación e Asistencia aos Concellos, Xosé María Arias e o deputado de Rural Daniel García, que puxeron en valor a tradición e o traballo das filloeiras. A organización prevé poñer á venda 18.000 filloas, incluíndo opcións sen glute, e o recinto feiral acollerá artesanía, música, obradoiros e a entrega dos premios do concurso escolar. O xornalista David Valverde Cabaleiro será o pregoeiro. A Vicepresidencia da Deputación colabora coa actuación de Nubeiro e cunha degustación de xamón de porco celta a través do programa Un Gusto de Rural. Arredor de 150 persoas participarán na organización ao longo da xornada.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
