A proposta do Grupo Municipal Popular resultou rexeitada co voto de calidade da alcaldesa que “agora pretende anunciar precisamente ao que se negaba no pleno de abril”
Viveiro, 21 de xuño de 2024. A portavoz do Grupo Municipal Popular de Viveiro, Mariña Gueimunde, lembra que “tanto PSOE como BNG votaron en contra dunha proposta do PP para pedir unha subvención para rehabilitar edificios e vivendas de titularidade municipal con destino a alugueiro social” que permitiría ao Concello rehabilitar a Casa de los Maestros. É dicir, “fai 2 meses votaron en contra do que agora pretenden anunciar”.
A proposta dos concelleiros populares saía rexeitada no pleno do 10 de abril deste mesmo ano “cos votos en contra de PSOE e BNG e o voto de calidade da alcaldesa para desempatar” entre os 7 votos a favor -os do PP- e os 7 do equipo de goberno -PSOE e BNG-, xa que X Viveiro se abstivo.
Gueimunde censura que, “ademais desta contradición que reflicte claramente a falta de proxecto claro para Viveiro”, tanto a alcaldesa, a señora Loureiro, coma a tenente de alcaldesa, a señora Bermúdez, “traten de enganar aos viveirenses” tendo en conta que “o propio Instituto Galego de Vivenda e Solo as corrixe para aclarar a información e as conclusións ás que chegaron na reunión”: que a Xunta dispón de liñas de axudas dirixidas aos Concellos para rehabilitar vivendas de titularidade municipal – como é o caso da Casa de los Maestros- para dirixir a alugueiro social.
A popular cre que “están demostrando que non poden representar ao Concello” porque “tarxiversan a información. Non son capaces de trasladar as conclusións dunha reunión institucional”, sentencia.
MOCIÓN DEBATIDA NO MES DE ABRIL
Os populares subliñaban a “singularidade”, a ubicación “estratéxica” da Casa de los Maestros e o seu uso “de carácter social” que “merece toda a nosa atención”. Nese sentido, apostan pola súa “rehabilitación e posta en valor” advertindo do “estado lamentable” no que se atopa este inmoble.
Así, defendían no pleno da Corporación municipal no mes de abril “dada a relevancia e a contía da subvención” unha proposta para que o Concello solicitase en tempo e forma a subvención para rehabilitar edificacións e vivendas de titularidade municipal con destino a alugueiro social.
A través deste procedemento o Concello podería verse beneficiado dunha axuda da Xunta que pode alcanzar ata os 50.000 euros por vivenda rehabilitada a través dunha liña convocada polo IGVS para prestar apoio aos Concellos de menos de 20.000 habitantes.
A proposta dos populares coincidía co prazo aberto para solicitar esta axuda na convocatoria deste ano 2024 -dende o 15 de marzo ao 3 de xuño-. “O prazo pechou fai dúas semanas e o Concello de Viveiro perdeu a oportunidade de telas solicitado xa nesta convocatoria”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
