O PP recorda nunha carta a Óscar Puente os deberes que ten pendentes coa provincia de Lugo, “a máis illada de Galicia”

A presidenta provincial, Elena Candia, e o voceiro provincial, Antonio Ameijide, así o explicaron esta mañá durante unha rolda de prensa na que tamén estiveron presentes deputados provinciais e autonómicos, senadores e outros cargos do Partido Popular da provincia de Lugo

Lugo, 13 de xuño de 2024. O Partido Popular da provincia de Lugo enviou unha carta ao ministro de Transportes, Óscar Puente, na que lle explicarán “por se non os coñece” todos os debes do Goberno central coa provincia de Lugo “para que os poida ter en conta non só mañá cando chegue á cidade senón para os vindeiros orzamentos”.

Na rolda de prensa que tivo lugar esta mañá os populares fixeron unha radiografía das necesidades que ten a cidade e a provincia de Lugo. O acto aos medios tivo lugar diante das obras da intermodal “un exemplo de colaboración entre administracións”.

A Presidenta Provincial dá a benvida a Óscar Puente e agarda a que “veña a Lugo con compromisos reais, con orzamentos e non só sexa unha visita de turismo como moitas outras que fixeron altos cargos socialistas a Lugo”. A popular engadía que “lle faremos chegar ao Ministro unha carta coas necesidades que ten a provincia en materia de infraestruturas”.

“Somos a cidade peor comunicada de España e o primeiro que lle pedimos é se restablezan as frecuencias que se suprimiron trala pandemia facémoslles unha petición expresa para que se repoñan os trens hoteis a Madrid, Barcelona e Bilbao; e tamén esperamos que sexa unha realidade o de Madrid directo desde Lugo que anunciaron para 24.

Elena Candia tamén reclamou unha maior axilidade na A-54 (Lugo-Ourense) salientando que non hai nin un só tramo inaugurado polo goberno socialista. Ademais indicou que o PP “non abandona a loita pola A-56 que cobra máis protagonismo”

Toda vez que non está garantida a Alta Velocidade a Lugo a popular lembraba a opción da conexión por tren de Lugo con Santiago recordando como no ano 2021, unha vez que se comproba que o goberno de Sánchez non vai continuar co proxecto das variantes ferroviarias que defendían (Peares-Canabal; Rubián) se presenta unha petición para que no proxecto dos Presupuestos Generales del Estado se contemple unha partida para estudar a viabilidade de conectar Lugo con Santiago e Lugo coa mariña lucense.

Xustifican a solicitude para que se fagan estes estudios de viabilidade indicando que ambas conexións son necesarias para mellorar as obsoletas comunicacións ferroviarias da provincia lucense e ambas liñas son amplamente demandadas polos lucenses.

Son algunhas das reinvindicacións as que non queremos renunciar e dentro do respecto institucional lle queremos recordar ao Ministro para que sexan compromisos reais con orzamentos e non sexa unha visita como moitas outras nos últimos tempos.

Pola súa banda, Antonio Ameijide coincidiu en que estas carencias tamén se plasman no transporte por estrada. A día de hoxe a única autovía que temos en Lugo ten unhas deficiencias enormes. “A A-6 pode ser a autoestrada peor conservada de España”, explicou, facendo referencia a que en sentido Madrid é imposible circular polo carril dereito, mentres que en dirección A Coruña as dificultades para os condutores están no carril esquerdo. Sen esquecer o lento avance de reconstrución do viaduto de O Castro, que este verán cumprirá dous anos fóra de servizo.

Deste xeito, os populares reclaman na súa carta a Óscar Puente compromisos e partidas orzamentarias concretas para avanzar nas autovías entre Lugo e Santiago (A-54) e Lugo e Ourense (A-56), así como a autovía da Mariña (A-74) e a autovía de Ponferrada a Ourense (A-76).

Ameijide tamén insistiu na necesidade de realizar periodicamente o adecuado mantemento das infraestruturas de titularidade estatal que transcorren pola provincia de Lugo, como poden ser as autovías A-6 e A-8, a estradas nacionais N-540, N-640, N-VI, N-642, N-634 ou N-120, entre outras. “Un eido fundamental para garantir a seguridade de todos usuarios que as empregan cada día”, sinalou.

Neste eido, o popular explicou que o anunciou de investimento no mantemento que seguramente explicará mañá o ministro de Transporte “é benvido” pero a realidade é que “chega tarde porque son moitos anos de abandono e estes investimentos tiñan que terse realizado hai varios anos sen agardar a este deterioro tan pronunciado que o único que fai é poñernos en risco a todos”.