A presidenta provincial, Elena Candia, e os deputados nacionais Francisco Conde, Jaime De Olano e Cristina Abades fixeron balance da actividade na Cámara baixa no primeiro ano de lexislatura xunto a alcaldes e portavoces da zona sur da provincia
Monforte de Lemos, 6 de agosto de 2024. Os deputados do PP lucense no Congreso dos Deputados fixeron balance do primeiro ano de lexislatura en Monforte de Lemos xunto á presidenta provincial, Elena Candia, e alcaldes e portavoces da zona sur da provincia pechando a rolda de balances do traballo realizado por parte de todos os deputados (nacionais, autonómicos e provinciais) e dos senadores onde aproveitou para anunciar que en setembro se celebrará unha interparlamentaria.
Candia referiuse ao traballo dos deputados no Congreso “estou profundamente agradecida porque trasladaron as preocupacións da provincia e da comarca pedindo que se corrixa a discriminación que sufre Galicia por parte do Executivo de Pedro Sánchez”. Esta discriminación vese na falta de liderado, tanto do Partido Socialista coma do Bloque Nacionalista Galego” matizando que falar de falta de compromiso e peso político en Monforte, tendo ao secretario xeral dos socialistas lucenses que é tamén alcalde neste municipio “non é casual”.
O deputado monfortino, Francisco Conde, afeou que “a provincia de Lugo non está na axenda política do Goberno” e explicou que as iniciativas do PP lucense no Congreso “coinciden coas principais prioridades da provincia”. Mentres que os populares se centraron en solicitar melloras en infraestruturas (estradas nacionais e avances na construción da autovías comprometidas) política industrial e servizos sociais, “o Goberno segue incumprindo con Lugo os seus compromisos industriais, de infraestruturas e de política social”. Os populares “seguiremos impulsando a creación de emprego de calidade, atraer novos investimentos e mellorar o benestar social dos lucenses”, avanzou.
POLÍTICA INDUSTRIAL
O popular considera prioritario o investimento en política industrial para “vertebrar a provincia” cunha aposta firme e decidida polo futuro de Alcoa, Altri e o desenvolvemento de solo industrial a un prezo competitivo e con novos servizos. “Ribadeo y Sarria son dous bos exemplos da falta de oferta de solo empresarial a prezos competitivos” por parte do SEPES (Entidade Pública Empresarial del Suelo).
Tamén subliñou “a falta de interese do PSOE de Lugo e o alcalde de Monforte polo desenvolvemento do Porto Seco de Monforte” que precisa “investimentos na intermodal e a súa conexión á N-120. Seguiremos insistindo ante ADIF e a Confederación Hidrográfica por unha solución”.
O popular afeou que “o Goberno podería destinar o 25% dos ingresos por emisións de CO2 ás empresas electrointensivas (3.600M€ de ingresos), e os 300 M€ que se pretenden plantear como solución á industria electrointensiva, deberían ser en realidade, tres veces máis, 896M€. Así quedou plasmado nun acordo adoptado polo Congreso a iniciativa do PP e que o Goberno segue incumprindo na orde de axudas publicada e que está en vigor”.
En relación a Altri, Conde explicou que “nas iniciativas que presentamos no Congreso, só pedimos igualdade de trato con outras iniciativas similares, conscientes de que ten que demostrar que cumpren cos requirimentos medioambientais, como en calquera outro proxecto industrial”. Nese sentido, asegurou que “manteremos a presión ante o Goberno para que se podan dar certezas, tanto nas axudas de fondos europeos como nas necesidades de abastecemento eléctrico, que tamén seguen sen resolver”.
En materia de infraestruturas, os populares subliñaron os incumprimentos do Goberno coa rede de infraestruturas da provincia que “penaliza” a competitividade e a seguridade viaria da provincia”. Lembraron que “Lugo quedou fóra da alta velocidade por unha decisión política do Goberno de Pedro Sánchez e que a situación da rede viaria non é asumible”.
A deputada Cristina Abades, portavoz da Comisión de Infancia, defendeu dous ámbitos claves para Galicia e a provincia como son a conciliación e o mundo rural. Concretamente ten proposto, por exemplo que o Goberno aumente o investimento en política de protección social á infancia e cofinancie ao 50% coas comunidades autónomas a educación de 0 a 3 anos ou mellorar a conectividade das áreas rurais para acabar coa desigualdade nos pequenos municipais rurais, ademais de interesarse polo importe que debe o Goberno a Galicia en materia de dependencia.
A luguesa tamén lembrou iniciativas en relación á capital da provincia coma o emprazamento da nova Comisaría de Policía, a reclamación para a mellora dos accesos á cidade, as axudas á rehabilitación de vivendas nos barrios da Milagrosa e Feijóo, a cesión do Ministerio de Defensa dos terreos próximos ao campo de fútbol das Gándaras ou o convenio da CHMS para evitar inundacións do río Rato e avanzar no Plan Paradai.
JAIME DE OLANO: “CO ACORDO PSOE-ERC, GALICIA PERDERÁ CADA ANO O EQUIVALENTE AOS INVESTIMENTOS EN SANIDADE E EDUCACIÓN”
Jaime De Olano, pola súa banda, lembrou que “a Xunta estima en 444M€ o prexuízo para as arcas autonómicas do acordo de financiamento para Cataluña que pactaron o PSC e ERC”. Isto supón que “Galicia perderá cada ano o correspondente ao investimento en todo o ano 2023 en Galicia das empresas públicas estatais, que son o brazo inversor nos territorios: Adif – alta velocidade, Renfe, Portos del Estado, as empresas que xestionan os aeroportos, centros penitenciarios, SEPI…”.
Facendo outra comparativa, o deputado popular e portavoz adxunto do Grupo Popular no Congreso sinalou que “os galegos imos perder por culpa de Pedro Sánchez e ERC a cantidade equivalente á suma de tódolos investimentos en infraestruturas e equipamentos da consellería de Sanidade (250M€) máis os investimentos en infraestruturas en centros educativos da consellería de Educación (180M€)”.
“O PSOE establece recortes ao conxunto de España a cambio de que Illa goberne Cataluña: pretenden crear españois de primeira e españois de segunda”, advertiu. Ademais, incidiu en que “non houbo acordo porque Sánchez lles deu aos independentistas todo o que pediron”.
“É inconcibible que o señor Besteiro e a deputada socialista pola provincia, a señora Otero, apoien este disparate que rompe o principio constitucional de solidariedade e igualdade que prexudica a comunidades onde hai menos cidadáns ricos como é o caso de Galicia. Ninguén que crea na igualdade e queira a Galicia pode defender que reciba menos”, afeou. É máis, sinalou que “dirixentes socialistas de Asturias ou Castela e León, con características similares a Galicia, si protestan contra o cupo catalán, mentres que os galegos se renden ante Sánchez. O PSdeG e o BNG cada vez que teñen que elixir entre Sánchez e Galicia sempre elixen a Sánchez, polo que se poden quitar a G de galegos”, subliñou.
De Olano desmentiu que Cataluña estea infrafinanciada: “está por enriba da media de España en canto a financiamento por habitante: co 16% da poboación vaise quedar co 20% da recadación tributaria. Os máis ricos de todas as comunidades colaboran cos seus impostos a sufragar o gasto en sanidade, educación e servizos sociais; pero agora Pedro Sánchez decidiu que os ricos cataláns non aporten para prestar eses servizos no resto de España”.
“A reforma pactada entre Sánchez e ERC é ilegal e non ten encaixe na Constitución: requiriría a reforma da Lei Orgánica de Financiación das Comunidades Autónomas e do artigo 138 da CE”, explica o popular. Neste sentido, aclara que “o Partido Popular garante que modificará o sistema de financiamento para as comunidades autónomas e entidades locais de forma que se cumpran os principais de igualdade, equidade, transparencia e suficiencia”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
