A empresa vallisoletana patrocinará os días infantís das festas patronais, así como a Festa de Samaín e varias actividades da programación de Nadal, a través dun acordo logrado coa Alcaldía e a Concellería de Infancia e Xuventude
Vilalba, 6 de agosto de 2024. O Grupo Entrepinares e o Concello de Vilalba veñen de presentar un novo acordo de colaboración grazas ao cal, a empresa vallisoletana con sede en Vilalba, patrocinará as actividades dos Días Infantís das festas de San Ramón e Santa María, así como diversas actividades lúdicas e recreativas que se enmarcarán na programación de Samaín e de Nadal.
A Casa da Cultura foi o epicentro da presentación na que interviñeron a alcaldesa de Vilalba, Marta Rouco, a concelleira de Infancia e Xuventude, Paula Vigo, o Conselleiro delegado de Entrepinares, Jose Manuel García Bejines e o director da fábrica en Vilalba, Javier Gato.
Con esta colaboración, en primeiro lugar, o Grupo Entrepinares custeará as actividades dos días infantís das festas patronais, que se celebrarán os vindeiros 3 e 4 de setembro e entre as que se inclúen diversos tipos de inchables, un toro mecánico, actividades de simulación e unha xornada con actividades acuáticas que rematará cunha festa de espuma.
Ademais, durante ámbalas dúas xornadas, Entrepinares aportará o seu novo lanzamento, un snaking de queixo destinado principalmente ao consumo infantil e que se fabrica integramente na nosa localidade.
En canto ás claves do acordo, a rexedora, Marta Rouco salientou “a variedade de actividades que patrocinará Entrepinares grazas a este acordo de colaboración, que nos permitirá ofrecer opcións para todos os gustos e centradas no desfrute dos nenos e nenas”.
Pola súa banda, o acordo tamén inclúe o patrocinio da Festa Infantil de Samaín, que terá lugar no remate do mes de outubro e incluirá o xa tradicional túnel do terror, un taller coa temática correspondente e diversos inchables infantís e xuvenís.
Finalmente, as derradeiras actividades enmarcadas nesta colaboración estarán vencelladas á programación de Nadal do Concello, sendo as patrocinadas por Grupo Entrepinares, diferentes actividades infantís con inchables, música e talleres de Nadal, así como a visita de Papá Noel, a quen se recibirá no municipio vilalbés co correspondente decorado, inchables, música e doces como flocos de millo e algodón de azucre.
Durante a súa intervención, a alcaldesa, Marta Rouco, aproveitou para “agradecer a Entrepinares, e especialmente ao persoal responsable da fábrica de Vilalba a súa colaboración e achega para que o Concello poida sacar adiante actividades coma estas” e “salientar a gran predisposición do Grupo Entrepinares para colaborar connosco e o seu interese en aportar o seu gran de area”.
Pola súa banda, Jose Manuel García Bejines destacou a importancia que ten para o Grupo poder contribuír coas festas locais, tan significativas para esta comunidade. Entrepinares pretende “destacar pola calidade dos seus produtos e polo seu compromiso coas tradicións e celebracións que fortalecen os lazos sociais e culturais entre os veciños”. Segundo as súas palabras, “este acordo é unha mostra de agradecemento pola confianza e o apoio recibido ao longo destes anos, e reafirma a nosa vocación de ser unha empresa que contribúe activamente ao benestar da sociedade vilalbesa”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
