A Xunta de Goberno acordou por dous anos de duración a adxudicación do contrato para o mantemento preventivo, correctivo e técnico nos centros da institución, co obxectivo de garantir a seguridade dos traballadores, dos usuarios e dos veciños e veciñas
Lugo, 16 de agosto de 2024. A Xunta de Goberno celebrada este venres aprobou a adxudicación dun novo contrato para a prestación do servizo de inspección e mantemento das instalacións de protección contra incendios nos seus edificios. Así o anunciou o Deputado de Promoción Económica e Social, Pablo Rivera Capón, quen detallou que este contrato, cun importe de máis de 100.000€, foi adxudicado á empresa CLECE FS e terá unha duración inicial de dous anos, prorrogables por outros dous.
Segundo explicou Pablo Rivera, “este servizo ten como obxectivo garantir a seguridade dos traballadores, usuarios e veciños, mediante a aplicación de medidas de mantemento preventivo, correctivo e técnico en todas as instalacións dos centros provinciais”. Entre as tarefas que se levarán a cabo atópanse a revisión, reparación e control de equipos esenciais como extintores, bocas de incendio, hidrantes, sistemas de detección e alarma, así como sistemas de control de fume e calor.
O Deputado destacou que este novo contrato “reflicte o compromiso da Deputación de Lugo coa seguridade e protección nos seus edificios, asegurando que as instalacións estean en condicións óptimas e cumpran coa normativa vixente”.
Ademais das actividades de mantemento, o contrato inclúe un plan de formación teórica e práctica para o persoal dos centros. “Esta formación resulta fundamental para que os empregados públicos estean preparados para afrontar situacións de emerxencia, coñezan as medidas preventivas e saiban utilizar correctamente os medios de extinción dispoñibles, garantindo evacuacións rápidas e seguras en caso necesario”, indicou Rivera Capón.
Así mesmo, a oferta da adxudicataria inclúe descontos significativos que beneficiarán á Deputación: un 40% nos prezos unitarios do mantemento preventivo, un 33% na man de obra e un 22% no mantemento correctivo.
Na sesión desta mañá, a Xunta de Goberno aprobou tamén a convocatoria e as bases específicas para o procedemento selectivo de cobertura dunha praza de enxeñeiro ou enxeñeira técnico de obras públicas, incluída na Oferta de Emprego Público da Deputación. Esta iniciativa forma parte do compromiso da institución por reforzar o seu cadro de persoal técnico especializado.
Éxito das rutas fluviais pola Ribeira Sacra
Por outra banda, o Deputado de Promoción Económica e Social destacou o éxito que están a ter as rutas fluviais pola Ribeira Sacra. “Durante esta ponte, as reservas para a Ruta Fluvial Canón do Sil están practicamente esgotadas, mentres que para a Ruta Fluvial do Cabo do Mundo só quedan dispoñibles as últimas prazas”, subliñou Pablo Rivera.
Así mesmo apuntou o Deputado que desde o inicio da tempada de verán, “máis de 21.000 persoas desfrutaron destas viaxes por un enclave natural único como é a Ribeira Sacra”. Engadiu ademais, “que xa se rexistraron máis de 10.500 reservas ata decembro, o que confirma as boas previsións deste servizo turístico”.
Este programa enmárcase na estratexia da Deputación de Lugo de promover un turismo sostible e de calidade, centrado en experiencias únicas e respectuosas co medio ambiente. As persoas interesadas en participar nalgunha destas rutas poden adquirir os seus billetes a través da páxina web da Deputación.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
