A xove xogadora ferrolá incorporouse esta semana á plantilla do conxunto mariñao
Burela, 16 de agosto, 2024. Cristina Lourés Casal, Cris Lourés, de 22 anos e natural de Narón (A Coruña) incorpórase ao plantel do conxunto feminino do Pescados Rubén Burela FS para esta tempada 24/25 na que o equipo mariñán se verá reforzado con catro xogadoras novas que seguro contribúen a ese intento de levar, unha vez máis, todos os títulos posibles da primeira categoría de futsal feminino en España. Cristina comeza a xogar a futsal aos 4 anos en O Parrulo FS ata os 11 que se pasa ás categorías inferiores do Fervenza FSF onde continúa medrando como deportista durante 6 anos. Na tempada 20/21 ficha polo Viaxes Amarelle onde xoga ata este ano.
Falamos coa moza xogadora galega sobre o que máis lle atrae de xogar neste club, “o que máis me atrae sen dúbida é poder ser profesional e aprender e traballar coas mellores xogadoras do mundo. E por suposto tamén probarme e adestrar ao máximo nivel.” Sobre o que espera levar e achegar ao equipo, “Sobre todo as ganas e ilusión, o traballo diario. Espero seguir formándome como xogadora, tanto nos aspectos técnico-tácticos como físicos. En todos os ámbitos para poder render ao máximo nivel. Os seus obxectivos para esta próxima tempada, “Medrar en todos os sentidos, tanto no físico, como mental e tácticamente. Acabar o ano sendo mellor xogadora do que cheguei.” Cara á afección, “Que sigan apoiando e animando como ata agora, estou segura de que será outro ano cheo de éxitos”.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
