Trátase dun investimento de preto de 80.000€, encadrado no Plan Único da Deputación de Lugo 2023
Burela, 12 de setembro de 2024. O Concello de Burela dá comezo ás obras de renovación do pavimento e dos servizos da rúa do Cura, situada nas inmediacións da igrexa da Vila do Medio.
“Trátase dunha rúa da zona histórica de Burela, na que xa fixeramos unha importante actuación de adoquinado que continúa agora con estes novos traballos”, sinala o concelleiro de Obras, Ramiro Fernández Rey.
“O obxectivo é o de poñer en valor a zona histórica de Burela e de reforzar o seu atractivo, co obxectivo de revalorizar as propiedades da zona e incentivar o investimento nelas”, explicou o edil.
“É un investimento moi importante, de preto de 80.000€, que demostra o compromiso do Goberno local coa zona da Vila do Medio e coa zona vella, a zona onde naceu Burela”, engade.
Ademais do levantado de firmes e a renovación do pavimento, a obra incluirá tamén a limpeza de vexetación nas marxes da beirarrúa ou a renovación de canaletas.
Tamén se traballará nas redes de abastecemento e de saneamento, e mais nas acometidas eléctricas da rúa, enterrándose cables aéreos entre outras actuacións.
“A obra está encadrada dentro do Plan Único da Deputación de Lugo do ano 2023, polo que volvemos agradecer o esforzó investidor da institución provincial en Burela”, conclúe Fernández Rey.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
