As mariñás, que foron moi superiores, estreláronse en innumerables ocasión cos paus e coa meta andaluza Celia
Burela, 21 de setembro, 2024. O conxunto feminino do Pescados Rubén Burela regresou á senda dos triunfos cunha vitoria pola mínima na cancha do Guadalcacín (1-2). Un solitario tanto de Carolina Pedreira na segunda parte foi suficiente para desequilibrar a balanza nun duelo no que as discípulas de Julio Delgado mereceron un resultado moito máis amplo, pero atopáronse ata en tres ocasiones cos paus da portería local e con Celia, a gardameta onte do cadro guadalcacileño, que realizou un grandísimo encontro con intervencións de todas as cores.
O primeiro tempo foi igualado, cun Guadalcacín ben pertrechado atrás e un Pescados Rubén Burela que sobre todo xeraba perigo con lanzamentos desde a distancia. Así as cousas, o primeiro tanto para as laranxas chegou precisamente no minuto 3 de xogo nun balón que quedou morto na zona de dez metros e que aproveitou Noelia Montoro para bater a Celia cun gran zapatazo.
O tanto espoleou ás de Julio Delgado, que tiveron o segundo nas botas de Cami, pero o seu remate sacábao baixo paus a local Nekane cando as mariñás xa case celebraban o tanto. Do posible 0-2 pasouse ao 1-1 practicamente na acción seguinte. Agora era a brasileira Lora, chegada este verán ao Guadalcacín desde o Futsi Atlético Navalcarnero, a que conectaba un bo disparo diante do que nada podía facer Caridad.
Non acusaron o tanto as visitantes, que seguiron acumulando posesión de balón e ocasións sobre o marco contrario. A piques de chegar ao ecuador, Dinha atopábase co traveseiro tras unha boa deixada de Cami. Catro minutos máis tarde, Patricia desaproveitaba un man a man ante Celia e acto seguido era Emilly a que se atopaba cun dos paus da meta defendida pola andaluza.
O Pescados Rubén Burela coleccionaba méritos para subir o segundo ao electrónico, pero era Caridad a que tiña que aparecer no minuto 15 para evitar cun bo pé que se adiantasen as guadalcacileñas. No epílogo do primeiro tempo baixou a cantidade de ocasións e os equipos marcháronse ao intervalo con táboas no electrónico: 1-1.
O segundo tempo foi un monólogo laranxa, cun asedio constante sobre a meta andaluza na que se axigantaba co paso dos minutos Celia. No minuto 25 aparecía de forma milagreira para tapar un remate no segundo pau de Patricia tras unha boa triangulación entre a yeclana, Antía Pérez e Emilly.
Catro minutos máis tarde, co dominio das visitantes cada vez máis acusado, era Emilly a que o probaba, pero de novo atopábase cunha boa intervención de Celia. A meta local multiplicábase para deter posteriormente os intentos de Dany, nunha boa acción de pivote, e de novo Patricia. A hispano-brasileira atoparíase no 31 co traveseiro nun disparo que tocaba Celia co pé.
Tanto estaba a ir o cántaro á fonte que finalmente rematou rompendo no 32. Carolina Pedreira finalizaba unha acción de estratexia desde fóra da área e Celia non tocaba o suficiente para despexar o balón. As mariñás non se relaxaron co segundo tanto e fóronse a polo terceiro, que tivo nas súas botas nunha xogada a balón parado unha moi participativa Patricia, pero a murciana volvíase atopar coa guardamallas andaluza.
A cinco minutos do final, o técnico local, Andrés Sánchez, tiraba man do seu tempo morto e apostaba polo xogo de cinco con Lora como porteira-xogadora. As mariñás defendéronse moi ben, non concederon ocasións ás verdes e mesmo foron quen de forzar un dobrepenalti, que non puido aproveitar Antía Pérez. O seu lanzamento, a pouco máis dun minuto da conclusión, íase directamente fóra. O duelo morría coas xerezanas buscando o empate, pero sen xerar perigo sobre a meta defendida por Caridad.
Ficha Técnica CD Guadalcacín FS 1-2 Pescados Rubén Burela FS
CD Guadalcacín FS (1): Celia; Guti, Jussara, Ame Romero, Nekane -quinteto inicial-, Lora, Gleice, María e Nona.
Pescados Rubén Burela FS (2): Caridad; Noelia Montoro, Emilly, Débora, Dany -quinteto inicial-, Cami, Dinha, Patricia, Antía Pérez e Carolina Pedreira.
Goles: 0-1, min 3: Noelia Montoro. 1-1, min.7: Lora. 1-2, min.32: Carolina Pedreira.
Árbitros: García Robles e Moreno Reina (Colexio Andaluz). Amonestaron ás locais Jussara, Nerea e Nekane, así como á visitante Cami.
Incidencias: Encontro disputado no pavillón Jerónimo Osorio de Guadalcacín diante dunha boa asistencia de espectadores.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
