Os populares condenan “a total falta de xestión e de previsión por parte deste bipartito que aprobaba os orzamentos consignando 115.000 € para as festas e, polo que parece, un mes despois do aprobado, xa non lles chegaba a cantidade que eles mesmos prevían”
Viveiro, 11 de setembro de 2024. O PP de Viveiro afea que “PSOE e BNG abandonan aos veciños do rural ao desatender necesidades básicas coma o abastecemento de auga”. De feito, en dúas décadas de goberno do PSOE con apoio do BNG non se investiu nada no abastecemento da zona rural. Nin sequera o contemplaron nos presupostos do 2024 recentemente aprobados”. A portavoz, Mariña Gueimunde, condena que “os problemas na rede de abastecemento de auga que afecta ás parroquias de Galdo, Landrove e Magazos non sexa unha prioridade para a alcaldesa, a señora Loureiro, nin para o resto do seu goberno bipartito incluída a tenente de alcaldesa, a señora Bermúdez”.
A proposta do Grupo Municipal Popular para investir na posta a punto da rede de abastecemento de agua destas parroquias o resultante das contías de gasto reservadas no presuposto 2024 para a Policía Local e que non foron executadas ao levar 6 meses sen este servizo foi rexeitada polo voto de calidade da alcaldesa tras darse un empate na votación cos 7 votos a favor do PP, 7 en contra de PSOE e BNG -que a tenente de alcaldesa intentou xustificar botando a culpa a que hai que pedir permisos sectoriais, pero tempo tiveron en 22 anos para solicitalos- e a abstención de XViveiro. “A propia alcaldesa decidiu negarlles esta solución aos veciños e veciñas destas tres parroquias que sufriron continuos cortes de auga sen previo aviso causando trastornos na súa vida diaria”, incide a popular.
Gueimunde indica, ademais, que durante o pleno o goberno local revelou que “as partidas reservadas para a Policía Local que non se chegaron a gastar por estar os efectivos de baixa nestes 6 meses e que ascenden a uns 153.000 € xa case está empregada en gasto corrente. Só quedan pouco máis de 4.000 €”. A súa maior parte, uns 85.000 € foron gastados en actividades culturais, deportivas e festivas. Así os populares deducen que “o goberno local non fai nada por axilizar a resolución do problema na plantilla da Policía Local, pero si se apura a mover os cartos que lle correspondería pagar ao Concello como cota de Seguridade Social dos efectivos para outros asuntos”.
Os populares lembran, ademais, que “o orzamento municipal foi aprobado a comezos de xullo e o goberno local xa tiña consignado unha partida de 115.000 € para festas. Pero a súa previsión foi tan mala que un só mes despois esa cantidade xa era suficiente e decidiron botar man de 85.000 € do diñeiro que non gastaron coa Policía Local”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
