O alcalde do Valadouro trasladou a Barreiro, Balseiro e Serrano a preocupación dos gandeiros durante a súa visita ao municipio
O Valadouro, 30 de setembro de 2024. Os senadores do PP lucense – José Manuel Barreiro, José Manuel Balseiro e Juan Serrano- visitaron Ferreira do Valadouro para poñerse a disposición do novo alcalde do municipio, José Manuel Lamela, “para o que puidera necesitar dende o Senado”.
Neste primeiro encontro, o rexedor trasladoulles un tema que preocupa a boa parte dos veciños e veciñas, especialmente aos gandeiros e gandeiras: “os ataques do lobo ao animais das súas explotacións”. Este problema – xeneralizado na comarca, a provincia e en toda Galicia- “supón importantes perdas para o sector gandeiro afectado” e xera preocupación entre todos os gandeiros e gandeiras das zonas con abundante presenza da especie.
Á vista de que a pasada semana o Consello da UE acordaba rebaixar o status do lobo de ‘estritamente protexido’ a ‘protexido’, os senadores lucenses dirixiranse formalmente ao Goberno de España para preguntarlle se vai adoptar a mesma medida e permitir o control da especie en zonas onde non está en perigo de extinción como é o caso de Galicia.
Os populares sinalan ao Goberno de Sánchez porque “a decisión final está nas súas mans” xa que “é o Estado o que debe quitalo da Listaxe de Especies Silvestres en Réxime de Protección Especial (LESPRE)”.
Tendo en conta que España foi -xunto a Irlanda- un dos países que votaba na UE en contra de rebaixar o status do lobo, “non parece que o Goberno do PSOE estea disposto a escoitar as demandas dos gandeiros e de Galicia: rebaixar o seu status para poder garantir o equilibrio entre a súa protección e a actividade gandeira”.
O senador mariñán subliñou que “dende o PP temos claro que estaremos ao lado dos gandeiros da nosa provincia e pedimos ao Goberno de España que actúe”.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
