O delegado territorial da Xunta en Lugo, Javier Arias, explicou hoxe no Hula que son persoas de entre 70 e 79 anos e poderán participar nun ensaio coa vacina antigripal de protección reforzada
Lugo, 31 de outubro de 2024. A Consellería de Sanidade iniciou onte a vacinación fronte á gripe e a covid-19 nos grandes recintos convocando a 36.160 lucenses de entre 70 e os 79 anos no Hospital Universitario Lucus Augusti, o Hospital Público da Mariña e o anexo do IES Río Cabe.
O delegado territorial da Xunta en Lugo, Javier Arias, supervisou hoxe no Hula a marcha da campaña e explicou que as persoas neste tramo de idade poden participar voluntariamente no ensaio clínico GalFlu para testar a vacina antigripal de protección reforzada.
Arias lembrou que este tipo de vacina xa se está a aplicar a maiores de 80 anos, e o propósito nesta fase de estudo é corroborar se resulta igualmente beneficiosa para as persoas de entre os 65 e 79 anos. No 2023 levouse a cabo a primeira fase, sendo Lugo a provincia que rexistrou unha maior participación; obtivéronse resultados positivos, ao reducir a taxa de ataque de infección por gripe do 14,6% en galegos de 65 a 79 anos non vacinados ata o 10,30% de media na cohorte de GalFlu.
O delegado lembrou que a vacinación das persoas de 80 e máis anos continúa nos centros de saúde de cabeceira; os niveis de cobertura acadados en Galicia neste grupo xa son do 66,5% no caso da gripe, e do 62% no caso da covid, e nos vindeiros días tentarase repescar aos que aínda non se vacinaron.
Ademais, tamén se pode pedir autocita para inmunizar aos nenos e nenas fronte ao virus respiratorio sincitial nos centros de saúde a partir do 4 de novembro e ata finais dese mesmo mes. O departamento sanitario galego pretende recaptar aos nenos e nenas que non se inmunizaron nos hospitais, de forma que agora poderán facelo no seu centro de saúde de cabeceira.
A medida está dirixida a nenos e nenas sen factores de risco nados desde o 1 de abril de 2024 ata que remate a actual campaña, o 31 de marzo de 2025.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
