Alfoz, 17 de outubro, 2024. As familias do CEIP Plurilingüe Castro de Ouro mantéñense firmes na súa decisión de continuar coa folga, que onte mércores rexistrou un 100% de participación, sen ningún alumno no centro. A situación volve tensionarse tras as últimas informacións contraditorias por parte da Inspección Educativa, que agora pretende indicar que o colexio “non ten necesidades”, en claro contraste co que se lle comunicara previamente á propia ANPA.
Nunha reunión anterior mantida en Lugo coa Xefa Territorial, Sagrario Sánchez, e coa Inspección Educativa, “informárasenos de que existían informes favorables que recoñecían as necesidades do colexio”, indican desde a asociación, confirmando que o centro necesitaba reforzos de persoal. “Agora, inexplicablemente, a Inspección retráctase desas conclusións, o que nos parece unha falta total de criterio”, denuncian desde a ANPA. “Non entendemos como poden cambiar de criterio dun día para outro. Esta contradición é unha manipulación clara da información, probablemente por presións políticas”.
Ademais, a ANPA critica as recentes declaracións de Javier Arias, Delegado da Xunta en Lugo, quen afirmou que a Xunta mantén o mesmo criterio para todos os colexios da provincia. “Isto non é certo”, subliñan desde a ANPA, “en outros colexios con números similares de alumnos están asignando máis mestres e incluso servizos de Pedagoxía Terapéutica. É evidente que se está discriminando ao CEIP Castro de Ouro, e non imos quedar de brazos cruzados”.
O descontento entre as familias non fai máis que aumentar. “Non só nos están enganando coa información sobre as necesidades do colexio”, explica un representante da ANPA, “senón que a comunicación por parte da Xunta está sendo inexistente. Javier Arias di que están dispostos a falar connosco, pero ninguén se puxo en contacto coas familias directamente. Todas as noticias chegan a través do colexio”.
A folga, organizada polas familias, manterase en marcha tamén durante o día de hoxe. A ANPA convocou unha reunión urxente ás 19:00 na Casa da Cultura, que terá lugar despois dun Consello Escolar, onde a dirección do colexio informará sobre a decisión transmitida pola Inspección Educativa de Lugo en relación ás necesidades do centro. As familias decidirán entón cales serán as novas medidas a seguir en función desa información.
Desde a ANPA subliñan que a continuidade da folga dependerá das conclusións presentadas no Consello Escolar. “Temos que analizar con calma as novas que reciba o centro e decidir como proceder. A nosa prioridade segue sendo defender a educación dos nosos fillos”, afirman.
Por outra banda, a ANPA tamén está valorando outras accións de protesta. Unha das posibilidades que están sobre a mesa é a participación en manifestacións a celebrar en Santiago, que se están a organizar por diferentes colectivos. “Estamos considerando unirnos a estas mobilizacións, que comparten obxectivos similares aos nosos, para sumar forzas na loita polos recursos educativos que nos corresponden”, explican.
A ANPA insiste en que non deixarán de loitar ata que se restablezan os recursos que o colexio necesita. “As contradicións e a falta de transparencia por parte da Xunta son inadmisibles”, conclúen. “Queremos solucións baseadas en criterios técnicos, non en manobras políticas”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
