No encontro con representantes da frota analizáronse as dificultades actuais na xestión da cota de sardiña polo que se vai a estudar a proposta de solicitar ao Goberno central a agrupación dos topes diarios en dous semanais
Santiago de Compostela, 16 de outubro de 2024. O director xeral de Pesca, Acuicultura e Innovación Tecnolóxica, Antonio Basanta, mantivo un encontro con representantes da frota do cerco galega para abordar asuntos de interese para o sector enmarcado no modelo de cogobernanza da xestión pesqueira da Administración autonómica.
Na xuntanza acordouse formalizar un grupo de traballo no que analizar a situación actual e avanzar no ámbito da mellora da extracción e da comercialización co obxectivo de obter o maior valor engadido das cotas dispoñibles. O obxectivo é adecuar a propia xestión da frota cara un modelo máis competitivo e sostible.
Por outra banda, se analizou as dificultades actuais na xestión da cota de sardiña polo que se vai a proceder ao estudo da proposta de solicitar ao Ministerio de Agricultura, Pesca e Alimentación a agrupación dos topes diarios en dous semanais. Ademais, tamén se vai a examinar unha mellor ordenación da pesqueira da sardiña para o ano 2025, a fin de exhaustivizar o aproveitamento da cota en termos económicos.
Esta reunión está enmarcada no traballo que vén realizando o Goberno galego nos últimos meses no cambio da determinación destas posibilidades de pesca, fundamentais para este sector. Así, a Consellería do Mar o pasado mes de setembro remitiu unha carta á Secretaría General de Pesca, competente na materia, para que elevase a petición á Comisión Europea, para que se producise un adianto do 5% da cota prevista para o ano 2025, co galo de empregala entre os meses de setembro e outubro deste ano.
Por outro lado, fíxose unha petición semellante para a cota de anchoa do Cantábrico, a empregar no mes de setembro, de forma que a aparición de bancos desta especie puidesen ser aproveitados de forma conveniente. A maiores, tamén foi demandado un posible intercambio con Portugal das cotas sobrantes de cabala e xurelo por sardiña e anchoa.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
