Mañón, 23 de xullo, 2026. Dous tripulantes tiveron que ser rescatados polos equipos de emerxencia despois de que a embarcación na que viaxaban quedase sen goberno tras o contacto cun grupo de orcas.
O 112 Galicia recibiu aviso do suceso ás 17:05 horas. Segundo a información facilitada polos xestores de emerxencias, os ocupantes da embarcación alertaban de que un grupo de orcas se atopaba arredor do barco, que permanecía sen timón e, polo tanto, sen capacidade de manobra.
Ante esta situación, desde a sala do 112 Galicia informouse a Salvamento Marítimo e ao Servizo de Gardacostas de Galicia. Tamén se deu aviso á Garda Civil, ao GES de Ortigueira e aos efectivos de Protección Civil.
Como consecuencia do incidente, Salvamento Marítimo e Gardacostas de Galicia mobilizaron varios medios marítimos, ademais do helicóptero Helimer. Finalmente, os dous tripulantes puideron ser rescatados en bo estado de saúde.
A embarcación, pola súa banda, non puido ser recuperada e acabou afundíndose por completo a unhas tres millas da costa de Mañón.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
