Ribadeo, 9 de outubro, 2024. Recentemente, alumnado do IES Ribadeo Dionisio Gamallo e do Instituto francés Lycée René Laenec de Pont l’Abbé que estiveron de intercambio, participaron nunha Xeoruta financiada polo Concello de Ribadeo. Acompañados por Francisco Canosa, doutor en Xeoloxía e pola profesora de Bioloxía, Susi Besteiro, foron recorrendo dous puntos de interese xeolóxico do concello ribadense: Rinlo e As Catedrais.
En Rinlo, prestaron especial atención a identificar as rochas predominantes na zona: cuarcitas e lousas duns 500 millóns de anos de antigüidade, a súa disitnta resposta á erosión e como debido ás numerosas fallas deron orixe a unha costa con moitos entrantes e saíntes que os rinlegos souberon aproveitar para construír non só un pequeno porto antrópico, que foi porto baleeiro, senón tamén as cetáreas onde criaron marisco boa parte do século pasado. Tamén apreciaron os famosos “ollos”, formacións singulares que coinciden coa intersección de importantes fallas no terreo.
A continuación, na praia das Catedrais, o obxectivo era descubrir as distintas etapas do cantil. Puideron comprobar como todo comeza con fracturas que constitúen puntos de debilidade nos cales a abrasión mariña acaba por formar primeiramente pequenas covas que se van agrandanado ata formar túneis rochosos, ollos e finalmente arcos que representan a fase máis evolucionada do cantil e que fan que esta praia sexa recoñecida internacionalmente pola sua beleza.
O alumnado participou e disfrutou dunha clase distinta, cun día espléndido e cun gran xeólogo. E tamén houbo tempo para reflexionar sobre os perigos do turismo masivo e sobre a necesidade de ser respetuosos co medio sen querer deixar pegada en cada lugar visitado. Polo tanto, o IES de Ribadeo Dionisio Gamallo, agradécelle ó Concello de Ribadeo e a Fran Canosa a súa colaboración para poder facer esta actividade e agardan que sirva para que tanto o alumnado ribadense coma o da Bretaña francesa sexa quen de valorar e divulgar o patrimonio xeolóxico.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
