O secretario xeral do PSdeG reivindicou desde Conxemar as campañas de información para reverter o descenso do consumo de peixe e destacou como un éxito para Vigo e para Galicia o crecemento dunha feira que é “unha referencia mundial”
Vigo, 2 de outubro de 2024. O secretario xeral do PSdeG, José Ramón Gómez Besteiro, mostrou hoxe en Conxemar a súa satisfacción por que o Goberno estea traballando de cara a unha renovación da frota pesqueira a través de fondos europeos, en concreto, reclamando a apertura do Fondo Europeo Marítimo, de Pesca e de Acuicultura (Fempa) a entrar nese financiamento. Besteiro compartiu na feira que se celebra en Vigo, “capital mundial da pesca”, a estratexia que avanzou esta mesma semana o ministro de Agricultura, Pesca e Alimentación, Luis Planas, para unha modernización coa que se buscará non só aumentar a eficiencia e seguridade dos barcos, senón tamén garantir mellores condicións para as tripulacións.
O impulso á renovación da frota sitúase, afirmou Besteiro, dentro da “aposta dos socialistas polo futuro da pesca”, sobre o que tamén están a operar as axudas do Plan de Recuperación, Transformación e Resiliencia, que dispón de 20 millóns de euros, ampliables en función dos proxectos presentados. Estas axudas, cuxo prazo de solicitude finaliza o 16 de outubro de 2024, son clave para promover a sostibilidade e a innovación nun sector chamado a ser tamén protagonista na transición ecolóxica.
Besteiro tamén mostrou a súa preocupación polo descenso do consumo de peixe e sinalou que hai por diante “unha tarefa moi importante” para reverter esa tendencia. Trátase dun reto que afecta directamente á viabilidade do sector, xa que a baixada dos últimos anos sitúase en cifras próximas ao 30 %, e cada vez faise máis patente a necesidade de cambiar a percepción dos consumidores, especialmente entre os sectores máis novos da poboación.
“O peixe non é caro”, recordou o líder socialista, que considera “fundamental” o desenvolvemento de campañas en favor dun produto que destaca pola súa calidade, versatilidade e beneficios nutricionais.
Sobre o crecemento de Conxemar, José Ramón Gómez Besteiro cualificouno de “gran éxito” tanto para Vigo como para Galicia e subliñou que a feira, verdadeira mostra do “progreso e o desenvolvemento” do sector, é unha “referencia mundial”.
O secretario xeral atendeu aos medios na compaña do alcalde de Vigo, Abel Caballero, que lle agradeceu a Besteiro o seu compromiso con Conxemar, un encontro, asegurou, que ten como principais apoios “ao Goberno de España e ao goberno de Vigo”. Lembrou que é “imprescindible” ampliar o recinto no que se celebra (Ifevi), no que o Concello “ten o triple de superficie que a Xunta”, polo que apuntou á necesidade de que o Goberno galego se faga cargo dese aumento de espazo.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
