Ribadeo, 25 de outubro de 2024. Música, teatro afeccionado e profesional, exposicións e presentacións de libros conforman a axenda cultural do último trimestre deste 2024 en Ribadeo.
A concelleira de Cultura, Begoña Sanjurjo, dixo que “aínda que a programación do Nadal vai ser obxecto dunha presentación concreta, si queremos dar conta hoxe das actividades culturais que se propoñen no que queda de ano. Comezamos co xénero da música coral. Este sábado o Coro Voces Graves de Gijón actúa no Teatro nun evento que nos chega da man da Coral Polifónica de Ribadeo. Esta formación ribadense protagoniza pola súa banda os tradicionais concertos de Santa Cilla, que no convento de Santa Clara lembrará a Carlos Álvarez Fernández-Cid no aniversario número 40 do seu pasamento e o Festival de Panxoliñas neste caso na igrexa parroquial.Tamén a Banda Municipal de Música de Ribadeo celebrará a patroa da música e o concerto de Nadal: Aquí como en Viena”.
A edil ribadense explicou que “dentro do ciclo O Concello cos Coles a sección de danza da EMMeD volverá representar A bela adormecida. E xa en concreto para o propio alumnado da Escola, teremos o seu Festival de Nadal a mediados de decembro”.
Sanjurjo subliñou que “coa temporada invernal chega tamén o Festival de Jazz & Blues de Ribadeo, este ano na súa décima edición. Catro concertos forman un programa que conta cos seguintes participantes: Cyrus Chestnut, J.P. Bimeni & The Black Belts, New Orleans Gospel Stars e finalmente Ángeles Dorrío, que impartirá tamén unha masterclass. Unha proposta diferente chegará da man da asociación Catro Caños e no Teatro de Ribadeo, é o ciclo O Galiñeiro, vinculado ao Vendaval Fest. Xa foi o concerto de Rival Karma e quedan nestes meses outros como os de Materia Muerta e Amarradizo”.
A concelleira de Cultura contou que “as nosas salas de exposición acollerán a obra dos veciños Pimpelo e Xesús Vázquez Gallego e tamén, xa desde o sábado pasado, a organizada pola Agrupación Cultural Francisco Lanza, Memoria viva, lingua viva, unha posta en valor do uso do galego á hora de elixir o texto das lápidas dos nosos seres queridos.Tamén, organizada pola entidade Abanca, poderemos achegarnos á obra de Castelao coa mostra chamada Castelao Grafista”.
Varias serán as presentacións de libros, que terán lugar este trimestre: “no ámbito literario, Lois Alcayde Dans presentará a súa obra Vrao. E da man da Agrupación Cultural Francisco Lanza, e xa rematando o ano no que as Letras Galegas se dedicaron a Luísa Villalta, visítanos o autor e músico Xurxo Souto co seu libro Somos un pobo de artistas. O método Luísa Villalta. Previamente haberá un roteiro seguindo as lonas que nas varandas recollen os poemas da autora e que colocou a asociación coa colaboración dos veciños e veciñas donos das casas. Tamén no mes de novembro se presentará o libro Los Caminos de España”.
Begoña Sanjurjo seguiu a relatar que “logo da Mostra Daniel Cortezón de Teatro Afeccionado que puidemos ver a mediados deste mes, a vindeira cita co teatro amador é en decembro, da man do Grupo de Teatro Ollomao, de Barreiros, e o seu Pan con chocolate. Finalmente, o teatro profesional conta este sábado cun espectáculo para público familiar onde as protagonistas son as pompas. Trátase de Os fabulosos Cleaners, de Malasombra Producións que tamén nos trae o mes vindeiro para público adulto a súa exitosa montaxe, Bernarda. Tamén para público a partir de 9 anos e co gallo de lembrar o día internacional da eliminación da violencia contra a muller acudiremos ao auditorio para ver A Cincenta que non quería comer perdices, da compañía Sarabela Teatro. E rematamos coa obra O auto do Castromil, Premio Manuel María de Proxectos Teatrais e que representa a compañía Producións Teatrais Excéntricas”.
A edil de Cultura agarda que “estas propostas, e outras que seguro que xurdirán nestes meses, sexan do agrado do público ribadense. Vémonos nos espazos culturais”.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
