O concerto forma parte do ciclo Lugo: De Trovas e Cantigas promovido pola Vicepresidencia da Deputación de Lugo
Lugo, 22 de outubro de 2024. A basílica de San Martiño de Mondoñedo, en Foz, acollerá este xoves -24 de outubro-, ás 19.00 horas, a actuación do laudista esloveno Bor Zuljan, un dos maiores especialistas contemporáneos neste instrumento de corda que se extendeu por Europa na época medieval.
No concerto, incluído no I Ciclo de Música Medieval Lugo De Trovas e Cantigas, promovido pola Vicepresidencia da Deputación de Lugo, o músico, coñecido por ampliar as posibilidades deste instrumento e redescubrir sons e técnicas de interpretación esquecidas, amosará o seu virtuosismo cun repertorio inspirado no florecemento humanista e cultural do Renacemento cando o laúde se converteu no instrumento máis popular nas cortes europeas.
O tenente alcalde de Foz Francisco Xavier Fanego valorou a programación do concerto na Basílica de San Martiño, que pola época en que se construíu e pola súa especial sonoridade, se adapta perfectamente a proposta deste ciclo de música medieval” e destacou que “as actuacións musicais son un reclamo para achegarse a este ben patrimonial, como demostran outros eventos como os programados pola Asociación Bal y Gay”
O vicepresidente da Deputación de Lugo Efrén Castro destacou que “ademais de contribuír a visibilidade do patrimonio arquitectónico, este ciclo musical incide no traballo que se ven desenvolvendo para poñer en valor o patrimonio musical que o Centro de ARtesanía e Deseño atesoura en relación coa construción e o estudo dos instrumentos medievais, que supoñen unha oportunidade para o intercambio con outras tradicións musicais europeas”.
O Ciclo de Música Medieval que agora chega a Foz iniciouse en abril pasado no Centro de Artesanía e Deseño, e continuou cunha actuación da formación Malandança no mosteiro de Samos o pasado mes de setembro. En novembro, celebrarase o último concerto na igrexa románica de Bembibre, en Taboada.
Bor Zuljan
Bor Zuljan está activo en diferentes xéneros musicais e toca variados instrumentos de corda pulsada antigos, modernos e tradicionais. Chamado o “revolucionario do laúde” (Le Soir), redescubríu instrumentos, sons e técnicas de interpretación esquecidos, ampliando sempre o abano de posibilidades.
Actúa internacionalmente como solista e con diferentes grupos: Doulce Mémoire, Tasto Solo, Graindelavoix, L’Achéron, Vox Luminis, Il Giardino Armonico, cos hirmáns Teofilović, en dúo con Dušan Bogdanović econ Romain Bockler (Dulces Exuviae), así como co seu ensamble La Lyra.
Desde 2011 é director artístico do festival de música antigua Flores Musicae en Eslovenia. En 2013, o Instituto de Musicoloxía de Eslovenia publicou a súa edición crítica das obras para laúde de Giacomo Gorzanis, compositor a quen dedicóu o primeiro álbum de La Lyra “Gorzanis – La barca del mio amore” co cantante Pino De Vittorio (Arcana – Outhere Música, 2018).
En 2019 comenzou unha serie de álbumes para o selo Ricercar (Outhere Music): “Josquin – Adieu mes amours”, eo primeiro CD do dúo Dulces Exuviae foi moi ben recibido pola crítica especializada; un ano máis tarde o seu primero álbum solista “Dowland – A Fancy” gañou o prestixioso Diapason d’Or do ano 2020, o CHOC de Classica e o Editor’s Choice de Gramophone, seguido en 2022 por “Gesualdo – Il liuto del Principe” (Diapason d’Or, CHOC de Clásica,…). “Toutes les nuits”, o último disco do dúo Dulces Exuviae salíu en 2013 no mesmo selo, gañando o Diapason d’Or e outros premios.
No tocante a súa formación e labor docente e investigadora, despois de rematar os seus estudos de música clásica e jazz no Conservatorio de Ljubljana, continuou a súa viaxe musical con Aniello Desiderio en Koblenz, Alemania. En 2007 mudouse a Xenebra para estudiar no HEM de Xenebra onde obtivo unha mestría en guitarra clásica e laúde (Dusan Bogdanovic, Jonathan Rubin), unha mestría especializada en música medieval e unha mestría en pedagoxía.
Dende 2011 lidera como asistente o proxecto de investigación do HES-SO “Ricercar unha fantasía” sobre a improvisación de fantasías no laúde durante o século XVI, co que continúa so seus estudos doctorais no Centro de Estudos Superiores do Renacemento en Tours, Francia. Imparte regularmente conferencias e clases maxistrais en institucións prestixiosas, como a Schola Cantorum Basiliensis, a Fondazione Giorgio Cini de Venecia, o CNSMD de Lyon e o HEM de Xenebra.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
